Late 7:5 - Tedim Bible

⁵ galte in delhin hong pha hen la, lei lakah kei hong tuancilsak in la, leilak ah hong sialpai ta hen.

Tedim Bible Revision 2017

⁵ galte in kei hong delhin hong pha uh henla, leilak ah kei hong tuancilsak inla, leilak ah kei hong sial pai ta uh hen.

Late 7:5 Referans Kwoze

Malakhi 4:3

Keimah in na kong sep ni ciangin, migilote nuaisiahin, leivui bangin na tuancil ding uh hi,” ci hi.

Zekhariah 10:5

Kongzing buannawng lakah, a galte a tuancil gawp galkapte bangin, amaute gualzo ding uh a, Topa in a ompih manin amaute in galdo ding uh a, a galte’ sakol galkapte zo gawp ding uh hi.

Habakkuk 3:13

Na mihingte a honkhia dingin na paikhia a, na teel kumpipa, a honkhia dingin na kuankhia hi. Mi gilote a makaipa na sugawp a, a nungzui khempeuh tawh zong na sumai hi.

Jeremiah 17:13

Aw Topa, Israel mite’ lametpa aw, nang a hong taisan mite a zahhuai ding uh hi. Nang a hong lehngat san mite leivui laka min gelh bangin a mang thang ding uh hi. Bang hang hiam cih leh nuntakna ciktui ahi Topa a hong taisan zo uh hi.

Isaiah 63:3

Mite’ lak panin kuamah in hong huh loin keimah guak in leenggah cil bangin minamte ka cil hi; sin sona tawh amaute ka cil a, hehna tawh amaute ka tuancil hi; ka puan tungah amaute’ sisan hong kitheh gawp a, ka puan khempeuh tungah sisan hong baang hi.

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

Late 60:12

Pasian tawh khauh takin i hih ding hi; amah in i galte hong sikcipsak dingpa ahi hi.

Late 49:12

Ama hauhna-ah mi kip suak thei lo a, amah in a bei thei ganhingte tawh kibang hi.

Late 44:5

Nangma hangin ka galte uh ka sawnpai uh a, ko hong dote, na min suangin ka tuancil uh hi.

Late 3:2

“Pasian in amah huh lo ding,” mi tampi in hong ci uh hi.

JOB (Job) 16:15

Kei thuum-in puanhampi ka silh a, guallel-in leivui lakah ka om hi.

1 SAMUEL MASA 24:11

En in, ka pa aw, ka khut sunga na puantualpi mong en in; kei tungah khialhna ahi a, kumpi dona ahi zongin a om lohna, na puantualpi mong at khia napi-in nang kong thah lohna thu tawh thei-in na mu ding hi. Kei thah dingin nong zon’ hangin nang tungah ka khial kei hi.

1 SAMUEL MASA 24:18

Topa in na khut sungah kei hong koih lai takin nang in kei nong thah lohna-ah kei nong limbawlna tu ni-in na laktel hi.

1 SAMUEL MASA 24:20

Tu-in, en in, nangmah in kumpi na hih taktak ding ka thei a, Israel kumpi gam nangma khut sungah a kip ding hi.