Late 7:16 - Tedim Bible

¹⁶ Ama lungngaih hoih lo pen ama lu tungah tungkik a, ama gamtatsia pen ama luzang mah ah tu hi.

Tedim Bible Revision 2017

¹⁶ Ama lunggulh hoih lo pen ama lu tungah tukik a, ama gamtat sia pen ama luzang mahah tukik hi.

Late 7:16 Referans Kwoze

Esther 9:25

Ahih hangin kumpipa in hih thu a theih ciangin, Judah mite suk nadingin Haman in a geelsa thuhoih lopen Haman’ lutung mah a lehtuk nading, leh amah leh a tapate khuam tungah a kikhai nading lai-in gelhin thupia hi.

1 KUMPI MASATE 2:32

Topa in ama mawhna ama lu tang mah ah tungsak kik ding hi; bang hang hiam cih leh ka pa David’ theih lohin amah in Israel galkapte a uk Jether’ tapa Amasa, amah sangin thuman zaw-in a hoihzaw ahi mihing nih do-in namsau tawh that hi.

Late 36:12

Hia lai-ah siatna bawlte cimawh-in kun uh a, amaute kisuncip sukin, tho zo lo uh hi.

1 SAMUEL MASA 28:19

Tua tham loin Topa in Israel mite zong nang tawh Filistiate khut sungah hong piakhawm ding hi; zing ciangin nang leh na tapate in zong kei kiang nong zuan ding uh hi; Topa in Israel galkapte zong Filistia-te’ khut sungah pia ding hi,” a ci hi.

1 SAMUEL MASA 26:10

David in, “Topa in a nungta ahih mah bangin Topa in amah vat ding hi; tua ahih kei leh zong a sih hun hong tung ding hi; tua ahih kei leh gal kikapna sungah amah paisukin si ding hi.

1 SAMUEL MASA 23:9

Saul in ama tungah a sia a sawmna David in thei hi; amah in siampi Abiathar kiangah, “Hih lai-ah siampipuan hong paipih in,” a ci hi.

Late 36:4

A lupna tungah siat gamtat ding sawm a, hoih lohna-ah amah kibulhtawm hi; amah in siatna nolh lo hi.

1 KUMPI MASATE 21:19

Nangmah in ama kiangah, ‘Topa in hih bangin ci hi; “That khinin, zong luah khin na hi hiam?” ci hi,’ na ci ding hi. Tua ciangin ama kiangah, ‘Topa in hih bangin ci hi: “Uite in Naboth’ sisan a liahna munah uite in nangma sisan liak ding uh hi,” ci hi,’ ci-in gen in,” a ci hi.

Esther 7:10

Tua ciangin kumpipa in, “Tua tungah amah khailum un,” a ci hi. Tua ahih ciangin Mordekai khailup nadingin a phuh khuam tungah Haman khai lum uh hi. Tua ciangin kumpipa’ hehna dam hi.

JOB (Job) 4:8

Mawhna bawlin buaina ahih mi in a gamtatna bangin a gah a atna ka thei hi.

Late 9:16

Topa in thu hong khen-in, migilote amau khut nasepna mah-ah awksakna tawh amah hong kilang hi.

Late 35:8

A phawk loh kalun amau tungah siatna tung sak in! Amau ngenthang siahsimna uh ah amaute mah awksak in la, a kisia dingin amaute kiasak in.

Late 57:7

Ka lung muang hi, Pasian aw, ka lung muang hi! La ka sa ding a, nakpi takin ka sa ding hi.

Late 141:10

Kei ka suahtak ciangin amau’ ngenthang sung mah-ah migilote awk sak in.

Paunak 1:19

Zawhthawh thu tawh mi’ na a sutte in sihlawh tawntung zaw a, hih bang a gamtate in tu-a bangmah tuak ngitnget hi.

Paunak 26:27

Mi siahna-in gum a tote, ama gum tawhna sung mah-ah amah leh kiat zawsop a, mi a deng kha dinga suang a khukte, ama suang khuk mah in amah leh khak zaw hi.

Thuhilh-sia 10:8

Gum a tote, gum sung mah-ah kia ding a, mi’ phung a phelsakte, gul in tu ding hi.