Late 7:13 - Tedim Bible

¹³ Amah in mei thaltang bawl a, sih theihna ama galhiamte a baihsa-in koih zo hi.

Tedim Bible Revision 2017

¹³ Amah in mei thaltang bawl a, sih theihna ama galhiamte a baih sa-in a koih zo hi.

Late 7:13 Referans Kwoze

2 THESALONIKA NIHNA 1:6

Bang hang hiam na cih uh leh, Topa Zeisu in ama vangliatna tawh kipawl vantungmite tawh, vantung pan meikuangin hong kilang a, Pasian a thei lo mite, i Topa Zeisu Khazih’ Lungdamna Thu a ngai lo mite daan a piak ciangin, note hong gimsak ngei mite tungah gimna ahi zongin, gimna a thuak ngei note tungah kote tawh nopsakna ahi zongin, Pasian in a thukkik nading thu in thuman ahi hi.

Habakkuk 3:13

Na mihingte a honkhia dingin na paikhia a, na teel kumpipa, a honkhia dingin na kuankhia hi. Mi gilote a makaipa na sugawp a, a nungzui khempeuh tawh zong na sumai hi.

Late 64:7

Ahih hangin Pasian in a thaltang tawh amaute kap ding hi; amaute thakhatin liam ding uh hi.

Late 45:5

Kumpipa’ galte’ lungtang sungah na thaltang hiamte lut a, mite na nuai-ah puk uh hi.

Late 18:14

Amah in a thaltangte lawn a, amaute kithehthang sak hi; khuaphialep phiasak a, amaute susia hi.

Mangmuhna 16:6

Bang hang hiam na cih leh, amaute in misiangthote’ sisan leh kamsangte’ sisan a bua uh a, amaute sisan na dawnsak zo hi. Amaute zong a dawn dingun kilawm hi,” a cihna ka za hi.

Mangmuhna 6:10

Amaute in zong, “A siangtho, a dik Vanglianpen Topa aw, leitungah a om mite, kote’ sihna sisan hangin thu khenin daantat loin bang tan vei sawtpi na om ding hiam?” ci-in nakpi a kiko uh hi.

Habakkuk 3:11

Na thaltang leeng a muh ciang, na teipi tee zalzal a muh ciangin, ni leh kha a omna san-ah khawlcip uh hi.

Late 144:6

Khuaphialep phiasak in la, amaute kithehthang sak in, na thaltangte lawn in la amaute susia in!

Late 64:3

namsau banga a leii uh a tatte, thaltang banga thu hoih lo a ngimte,

Late 11:2

bang hang hiam cih leh, en in, migilote in, khuamial sung pan lungsim thutangte kap dingin a thalkhau uh-ah thaltang bulhin a thal uh keek hi;

JOB (Job) 6:4

Vanglianpa’ thaltangte in kei hong kha a, ka sungah a thal gu kidiah hi. Pasian in a kihtakhuai-in kei hong su hi.

Thu-hilhkikna 32:42

Ka thaltangte si ka tawksak ding a, ka namsau in mi that ding hi—a kithatte leh a kimante, kei hong langpangte, si ding hi,’ a ci hi.

Thu-hilhkikna 32:23

“Amaute tungah siatna ka khol ding a, amaute tungah ka thaltangte ka zang ding hi;

Thu-hilhkikna 32:41

a tee ka namsau taatin, thukhen ka kipat ciangin, ka galte tungah phu ka la ding a, kei hong mudahte ka thukkik ding hi.

Kah la 2:4

Amah in galte bangin a thalpi tawh hong ngim a, i lungdamna teng leh i kisak theihpih teng a hong thah khit sak hi. I inn sung tekah a hehna meikuang i mu thei hi.