Late 7:10 - Tedim Bible

¹⁰ Pasian in kei hong hupa hi a, lungsim thutang mite a hon hi.

Tedim Bible Revision 2017

¹⁰ Pasian, kei hong hupa hi a, lungsim man mite a hon hi.

Late 7:10 Referans Kwoze

Paunak 28:18

Thuman-a gamta mite lung muangin om ding uh a, a zuautat mite ahih leh puk ding uh hi.

Late 125:4

Topa aw, a hoih mite tung leh na thupiakna a zui mite tungah hehpihna hong nei in!

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Paunak 11:20

Topa in lungsim gilo mite mudah a, a man-a gamtate tungah lungkim hi.

Piancilna 15:1

Hih thute khit ciangin mang sungah Topa’ thu Abram’ tungah hong tung a, Abram aw, lau kei in, keimah in nangma' lum ka hi hi; na thaman lian mahmah ding hi,” ci hi.

Paunak 2:21

Bang hang hiam cih leh mi thuman, mi ginate, hih i leitungah teengin om ding uh a,

Late 112:2

Ama suan-le-khakte in leitungah vanglian ding a, lungsim thutang a nei mipa’ suan-le-khakte’ thupha kipia ding hi.

Late 89:18

Kote kihutna in Topa kiang pan hi a, Israelte’ Siangtho Pa, nangmah in ka kumpipa uh nong pia hi.

Late 3:3

Ahih hangin, Topa aw, nangmah in ka kidalna lum, ka minthan’na leh ka lu hong phongpa na hi hi.

JOB (Job) 8:6

nang dikin thutang kisa na hih leh pel loin amah in nang hong en ding a, na thumanna tawh kizui-in thaman hong pia na ding hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

2 KHANG TANGTHU NIHNATE 6:30

na teenna mun vantung panin za in la, maisakin,amau’ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihing’ lungsim na thei hi);

Jeremiah 11:20

Ahih hangin thuman tak-a thu khen a, mite’ lungsim leh ngaihsutna a entel a vanglian Topa aw, amaute na thukkikna kei hong musak in; bang hang hiam cih leh nang’ tungah ka thu kong ap khin hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”