Late 69:3 - Tedim Bible

³ Ka kiko-kona-in ka gim a, ka gawlgui keu ta hi. Ka Pasian ka ngakna-in ka mitte maang ta hi.

Tedim Bible Revision 2017

³ Ka kikokona-in ka gim a, ka dang keu ta hi. Ka Pasian ka ngakngakna-in ka mitte maang ta hi.

Late 69:3 Referans Kwoze

Late 6:6

Ka tautauna-in ka gim hi; zan sialin ka khitui in ka lupphah tum a, ka kahkahna-in ka lupna kawt dikdek hi.

Isaiah 38:14

Phialphiah ahi a, gun vapi bangin ahi zongin ka haam a, vakhu bangin ka tau hi. Vantung lam kong et etna-in ka mitte gim hi. Topa aw, kei hong kinengniam hi; keimah huh dingin hong paita in!

Late 119:123

Nangma hotkhiatna leh a man na thuciamna hong tun’ ding ka etna-in ka mitte a thazaw hi.

Late 119:82

Na thuciamnate ka etetna-in ka mitte thazaw ta hi; “Cik ciangin kei hong hehnem ding na hi hiam?” kong ci hi.

Thu-hilhkikna 28:32

Na tapate leh na tanute uh minam dangte’ tungah kipia ding a, amaute ngai-in sun nilohin na mit un enin gim ding hi; nomau’ tha tawh na dal zawh ding uh hi lo ding hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Johan 19:28

Tua nung ciangin Zeisu in thu khempeuh kizo khin zo cih a theih ciangin, Lai Siangtho sungah a kigelh mah bangin a tun’ nadingin, “Tui ka duh hi,” a ci hi.

Kah la 2:11

Ka kah kahna-in ka mit paat gawp a, ka lungsim a gim lua mahmah hi. Ka mite kisiatna hangin dahin husamin ka bah gawp hi. Naupangte leh naungeekte kongzing lakah a sibup uh hi.

Late 69:21

Amaute in an dingin gu hong pia uh a, ka dangtakna-ah dawn dingin tuithuk hong pia uh hi.

Late 39:7

“Tu-in Topa aw, ke’n bang ngak lai ka hi hiam? Ka lametna nang sungah om hi.

Late 25:21

Nang hong ngak ka hih manin, kicin’na leh thutan’na in kei hong kem ta hen.

Late 22:15

ka thahatna in leibeel phel bangin keu a, ka leii zong toncip hi; nangmah in sihna leivui sungah kei nong koih hi.

Late 22:2

Ka Pasian aw, sun-in ka kiko a, ahih hangin nong dawng kei hi; zan-in ka kiko a, ahih hangin lungsim nopna ka mu kei hi.

JOB (Job) 16:16

Ka kah kahna-in ka mai khempeuh sangawp a, ka mitkhute bawkin hong liahcip hi.

JOB (Job) 11:20

Ahih hangin migilote ahih leh cimawhin khuadak ding uh a, suahtak nading lampi mu lo ding uh hi. Amau’ ngah ding ahih leh sihna bek ahi hi,” a ci hi.

Late 40:3

Eima Pasian phatna la thak keima sungah hong koih hi. Mi tampi in mu-in zahtak ding a, amaute in Topa muang ding uh hi.

Late 88:7

Nangma hehna keima tungah gik mahmah a, na tuihualte khempeuh tawh kei nong vukcip hi.