Late 67:4 - Tedim Bible

⁴ Mite thu a manin khenin, minamte leitungah lamlak na hih manin, minamte nuam-in lungdamna sa sak in.

Tedim Bible Revision 2017

⁴ Miteʼ thu a manin khenin, leitung minamte khempeuh lamlakin makai na hih manin, minamte nuamin lungdamna la hong sak ta uh hen.

Late 67:4 Referans Kwoze

Late 9:8

leitung mite’ thu a manin khen a, a kilawm bangin mite’ thu khen hi.

Late 82:6

Ke’n kong cih-inah, “Note khempeuh in, Sang Penpa’ tate, pasiante, na hi uh hi;

ROM (Romans) 2:5

Tua bangin na lungkhauh leh, a kisik nuam lo na lungsim mah bangin Pasian’ hehna leh Pasian’ thuman thukhenna a kilat Ni ciangin na pumpi tungah hehna na khol hi.

Isaiah 55:4

En un, amah pen mite tungah teci ding, mite a makai ding leh a ukpa dingin ka koih hi.

Late 96:10

Minamte lakah, “Topa in uk hi! Hi hi, leitung kikipsak a, liing ngei lo ding hi; amah in mihingte’ thu a manin khen ding hi,” ci un.

Late 2:8

Keima tungah hong ngen in; nangma luah dingin minamte ka bawl ding a, leimong dongin nangma neihsa ka hisak ding hi.

Thu-hilhkikna 32:43

Minamte aw Topa’ mite tawh lungdam khawm un! bang hang hiam cih leh amah in a nasemte’ phu la a, a langte thukin, ama mite’ gam adingin kilemna bawl hi,” a ci hi.

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

Galati 4:27

Lai Siangtho sungah: “Ta suak ngei lo a ciing numei aw, na lungdam in! Nausuak gimna a thuak ngei lo numei aw, kiko in! Bang hang hiam na cih uh leh, pasal a nei numei’ tate sangin, A kipaaikhia numei in ta tamzaw a nei hi,” ci-in a kigelh hi.

Sawltak 17:31

Bang hang hiam na cih uh leh, amah in a sehkholhpa tawh leitung mite, thuman tawh thukhen nading ni a genkhol zo hi. Tua pa sihna pan a thawhkik ciangin a kitel zo hi ci-in mi khempeuh a thei sak zo hi,” ci-in Paul in a gen hi.

Isaiah 54:1

Ta a suak lo a ciing numei aw, lasa in; nausuak natna a thuak ngei lo mi aw, lasa khia in la, lungdamna tawh kiko in! Bang hang hiam cih leh a kinusia nu’ tate pen a kiten’pih nu’ tate sangin tamzaw ding hi, Topa in ci hi.

Isaiah 60:6

Midian mite leh Ephah mite’ kalaohnote, kalaoh honpite in nang hong tuam ding uh a, Sheba gam sunga om khempeuh hong pai ding uh hi. Amaute in kham leh paknamtui hong paipih ding uh a, Topa phatna taangko ding uh hi.