Late 64:3 - Tedim Bible

³ namsau banga a leii uh a tatte, thaltang banga thu hoih lo a ngimte,

Tedim Bible Revision 2017

³ namsau taat bangin a leii uh a taatte, thaltang bangin thu hoih lo a ngimte,

Late 64:3 Referans Kwoze

Late 58:7

Tui luangkhiate bangin amaute mangthangsak in la, lopa bangin amaute kituancil-in keutumsak in.

Late 57:4

Mihing tate, huaihamna tawh a netum humpinelkaite laizang ah ka om hithiat hi; amau hate in teipi leh thaltangte hi a, amau leite in namsau hiamte ahi hi.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.

Paunak 12:18

Ngaihsun lo-a kampauna in temhiam bangin mi liamsak thei a, mipilte’ kampauna in tua bang liamna damsak thei hi.

Late 11:2

bang hang hiam cih leh, en in, migilote in, khuamial sung pan lungsim thutangte kap dingin a thalkhau uh-ah thaltang bulhin a thal uh keek hi;

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Paunak 30:14

A ha uh namsau tawh a kibang, a ha uh temta tawh a kibang, gam sunga mizawngte a netum, mi cimawhte a liaktum mi pawlkhat om hi.

Late 141:9

Amaute in keimah hong siahna uh tehlop leh siatna bawlte’ thangzak panin kei hong kem in!