Late 6:6 - Tedim Bible

⁶ Ka tautauna-in ka gim hi; zan sialin ka khitui in ka lupphah tum a, ka kahkahna-in ka lupna kawt dikdek hi.

Tedim Bible Revision 2017

⁶ Ka tautauna-in ka gim hi. Zan sialin ka khitui in ka lupna tum a, ka kahkahna-in ka lupna kawt dikdek hi.

Late 6:6 Referans Kwoze

Late 69:3

Ka kiko-kona-in ka gim a, ka gawlgui keu ta hi. Ka Pasian ka ngakna-in ka mitte maang ta hi.

Late 42:3

Mite in keima tungah, “Na Pasian koi-ah om hiam?” hong cihcih sung teng, sun leh zanin ka khitui an-in ka nei hi.

Late 38:9

Topa aw, ka deihna khempeuh nang na thei a, ka khuisatna nang kiang pan kiseel lo hi.

Kah la 2:11

Ka kah kahna-in ka mit paat gawp a, ka lungsim a gim lua mahmah hi. Ka mite kisiatna hangin dahin husamin ka bah gawp hi. Naupangte leh naungeekte kongzing lakah a sibup uh hi.

Kah la 1:16

Tua ahih manin ka mit sung pan khitui a dim letin a luang hi. Hong hehnem ding leh hong hanthawn ding kuamah a om kei hi. Galte in hong zo khin a, ka mite a cimawh uh hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawl pihte khempeuh in kheemin, tu in a langpan’ khin ta uh hi.

JOB (Job) 23:2

“Tu lai takin Pasian tungah phun lo, heh lo in ka om thei kei a, thuum loin ka om thei kei hi.

JOB (Job) 16:20

Keima tang-a sempa in ka lawmpa ahi hi, Pasian in ka khitui luan’na bangin ka thungetna hong za leh ka ut hi.

JOB (Job) 7:3

A mawkna-ah kha tampi sung ka om a, zan thapai lungkhamna in keima tanh ahi hi.

Luka 7:38

a nung lam pan a khe kiangah ding-in kap a, a khe khitui tawh kawtsakin, a sam tawh a nul hi. Ama khe zong nam a, paknamtui tawh a zut hi.

Jeremiah 14:17

“Jeremiah aw, amaute’ kiangah hih bangin va ci in: ‘Sun-le-zanin ka khitui luangluang hen la, kang ngei kei ta hen; bang hang hiam cih leh ka mite in nakpi-in liamna a thuak uh a, nakpi takin a kisat hi.

Late 88:9

thuakna hangin ka mit mial hi. Topa aw, ni simin nangma tungah kong ngen hi; thu ngenin ka khutte nangma lamah kong zan hi.

Late 39:12

“Topa aw, ka thungetna hong ngai in la, ka kikona hong za in; ka khitui luan’na hong don loin om mawk kei in; Bang hang hiam cih leh ka pu ka pate khempeuh bangin keimah in na zin, na peemta ka hi hi.

JOB (Job) 10:1

“Ka nuntakna ka cimtak ta hi; ka dahna thu ka ut utin ka gen ding a, ka lungkham manin ka paupau ding hi.

Late 30:10

Topa aw, hong za in la, kei hong hehpih in! Topa aw, nangmah in keimah huhpa hong hi in!”

Late 88:11

Han sungah na itna kip kigen a, siatna mun-ah na thumanna kigen ding ahi hiam?

Late 115:17

Misite ahi a, gamdaihna sunga a pai peuhpeuhte in ahi zongin Topa phat lo uh hi.

Isaiah 38:18

Bang hang hiam cih leh han-a om mite in nang tungah lungdamna hong ko thei lo a, a site in nang hong phat thei lo uh hi; gum sunga a pai sukte in nangma thumanna hong muang thei lo uh hi.