Late 6:4 - Tedim Bible

⁴ Topa aw, hong kihei in la kei hong gum in; itna kip neipa na hih manin keimah hong hon in.

Tedim Bible Revision 2017

⁴ Topa aw, hong kihei inla, kei hong hon in. Itna kip a nei pa na hih manin keimah hong hon in.

Late 6:4 Referans Kwoze

Daniel 9:18

Pasian aw, ka thungetna uh na bil tawh hong ngai in la hong za in. Hong en in la, kote’ siatna leh na min pua khuapi’ siatna hong mu in. Kote’ gamtatna pha suang hi loin, nangma’ migitna suangin thu kong ngen uh hi.

Late 17:13

Topa aw, tho in! Amaute maiphut in la, thalpaih in! Topa aw, a deih khempeuh uh hih leitungah a nei migilote kiang panin nangma khut leh na namsau tawh kei hong honkhia in. Amau’ adingin na koihcing danpiaknate thuaksak in la, a tate un zong a cing valin thuak uh hen la, a naungekte’ adingin nusiat lai ta uh hen.

Malakhi 3:7

Note in, na pu na pate uh mah bangin ka thukhamte panin na pialkhia uh a, ka thukhamte na zui kei uh hi. Ahi zongin keima lamah hong kihei kik un; kei zong note lamah kong kihei ding hi. Ahi zongin note in, ‘Nang lamah kong kihei nadingun bang hih ding ka hi uh hiam?’ na ci uh hi.

Late 121:7

Topa in, siatna khempeuh panin nang hong hu ding a, amah in a muanhuai-in nang hong kem ding hi.

Late 116:4

Tua ciangin Topa’ tungah thungen in: “Topa aw, nang tungah kong thuum hi, kei hong hon in,” ka ci hi.

Late 90:13

Topa aw, hong kihei kik in! Bang tan sauvei ding ahi hiam? Na nasemte hong hehpih in!

Late 80:14

Hong kihei kik in; Vanglianpen Pasian! Vantung panin ensuk in la, mu in; na khut taklam in a suansa kung hih leenggui don in.

Late 22:20

Namsau panin keimah hong hon in la, ui’ thahatna panin ka nuntakna hong hon in.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

Isaiah 38:17

Gimna lianpi ka thuakna in keima metna hong suak ding hi. Lauhuaina khempeuh panin kei nong honkhia a, ka mawhna khempeuh na nungzang ah na koih hi.

Late 120:2

Topa aw, mizuaute leh mikhemte kiang panin kei hong honkhia in.”

Late 116:8

Topa in sihna panin kei hong honkhia hi; ka khituite hong kangsak a, kei hong guallelsak lo hi.

Late 86:13

Bang hang hiam cih leh keimah nong itna kip lian mahmah a, Leinuai thuk sung sihna panin kei nong honkhia khin hi.

Late 69:13

Topa aw, kei ka hih leh nangma tungah thu kong ngetna in, a kicing na itna kip tawh a hun hoih ciangin hong dawng in, Pasian aw.

Late 25:7

Topa aw, ka khangno lai-a ka mawhna leh ka khialhnate ciamteh kei in la, na hoihna na ngaihsutna leh na itna kip tawh kizui-in kei hong phawk in!

Late 13:2

Bang tanvei gimna thuakin, sunthapai-in ka lungsim dah ding ahi hiam? Bang tanvei kei’ tungah ka galte gualzo ding a hi hiam?

Late 74:10

Pasian aw, galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

Late 79:5

Topa aw, bang tanvei hi ding hiam? Heh paisuak ding na hi hiam? Nangma hazat hehna, mei bangin kuang paisuak ding ahi hiam?