Late 6:2 - Tedim Bible

² Topa aw, thanem ka hih manin kei tungah dikna hong zang in; Topa aw, ka guh ka tang na ahih manin hong dam sak in.

Tedim Bible Revision 2017

² Topa aw, thaneem ka hih manin kei tungah dikna hong zang in. Topa aw, ka guh ka taang na mahmah ahih manin hong damsak in.

Late 6:2 Referans Kwoze

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Late 31:10

Bang hang hiam cih leh ka nuntakna dahna vive hi a, ka hunte khuisatna vive ahi hi; ka gentheihna hangin ka tha kiam a, ka guhte ngaam hi.

Late 30:2

Topa ka Pasian aw, huhna ngenin na tung kong awng a, kei nong damsak khin hi.

Jeremiah 17:14

Topa aw, hong damsak lecin kei ka dam ding a, hong honkhia lecin ka suakta ding hi; bang hang hiam cih leh nang kong phatpa na hi hi.

Late 51:8

Lungdamna leh kipahna hong pia in la, na sukgawpsa mipa lungdamsak in.

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

Late 38:7

Bang hang hiam cih leh ka ci sa mahmah a, nakpi takin ka ci na hi.

Late 38:3

Nangma hehna hangin ka ci na a, ka mawhna hangin ka pumtangin ka na hi.

Late 32:3

Ka mawhna ka pulak loh ciangin, sunthapai-a ka tautauna hangin ka pumpi a tha neem hi.

Piancilna 20:17

Tua ciangin Abraham in Pasian' tungah thungen a, Pasian in Abimelek damsak hi. Amaute in ta a neih theih nadingin a zi leh a numei-silate zong damsak hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Late 22:14

Tui bangin kei hong kibua khia a, ka guh ka tang khempeuh kilawi khin hi; ka lungtang khuainun bang a, ka awm sungah tui suak hi;

JOB (Job) 5:18

Bang hang hiam cih leh amah in a liamsak hangin a liamma tun ding a, ama satna liamma a damsak ding hi.

Gamlak-vakna 12:13

Tua ciangin Moses in Topa tungah, “Amah dam sak in, Pasian aw, kong thuum hi,” ci-in kiko hi.

Paikhiatna 15:26

“Note in Topa na Pasian’ thu lim takin na ngaih uh a, ama' maiah a man nate hih-in, ama' thupiakte don a, ama' ngeina kipte khempeuh na zuih uh leh, Izipt mite' tungah ka tun’sak natnate khat beek note' tungah kong tungsak kei ding hi; bang hang hiam cih leh keimah in Topa, note hong damsakpa ka hi hi,” a ci hi.

JOB (Job) 19:21

Hong hehpih un! Hong hehpih un! Ka lawmte hilo na hi uh hiam? Pasian in kei hong satpaai hi.

Late 38:2

Bang hang hiam cih leh na thaltangte ka sungah hong tum khin a, ka tungah na khut hong tu khin hi.

Jeremiah 10:24

Topa aw, a hoih bek tak-in, heh loin kei hong hilh in; hong heh lecin kei ka si ding hi.