Late 6:10 - Tedim Bible

¹⁰ Ka galte khempeuh zahhuai in genthei mahmah ding uh hi; amaute in nungkik-in, maizumna thuak pah ding uh hi.

Tedim Bible Revision 2017

¹⁰ Ka galte khempeuh zahhuai mahmah in genthei ding uh hi. Amaute nungkikin maizumna thuak pah ding uh hi.

Late 6:10 Referans Kwoze

Malakhi 3:18

Tua ciangin, midikte leh migilote, leh keima na hong semte leh hong sem lote a kilamdan’na na mu kik ding uh hi,” a ci hi.

Jeremiah 20:11

Ahih hangin Topa in a kihtak huai gal hangpa bangin, kei tawh hong omkhawm gige hi. Tua ahih manin kei hong bawlsiate a tuk ding uh a, kei hong zo lo ding uh hi. A tawntunga a mindaina uh kimangngilh ding hi.

Late 86:17

Topa nangmah in kei hong huh-in, nong thakhauh sakna hangin, kei hong mudahte in mu-in a zahhuai nadingin keima tungah na maipha hong lak in.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

Late 132:18

Ama galte maizumna tawh ka kidimsak ding a, ahih hangin ama kumpigam khangin zai semsem ding hi,” na ci hi.

Late 112:10

Migilo in hih thu mu-in a hehsuak a, a ha gawigawi-a tuimang hi; migilopa’ lametna in a mawkna suak ta hi.

Late 73:19

Tomno sungin amaute kisusia-in, launa in nilkhia mang!

Late 71:24

Keima siat nading a zongte zahhuai-in kiminsia-sak khin ahih ciangin sunthapai-in thuman tawh nong huhna ka gengen ding hi.

Late 71:13

Kei hong mawhsakte zahhuai-in beimang uh hen la, keima siat nading a zongte, simmawhna leh minsiatna in tuamcip ta hen.

Late 35:26

Kei’ kamsiatna-ah a lungdamte maizumsak in la zahhuai gawp sak in! Kei tunga hong kiliansakte maizumna leh mindaina silh sak in!

Late 25:3

Hi hi, nang hong ngakte kuamah zahhuaisak kei in; thu khual lo-a zuau theite zahhuaisak in.

Late 7:6

Tho in, Topa, hehsa-in thasaan in la, ka galte’ hehna hong dal in; khanglo in, ka Pasian aw, thukhen nading khat na seh khin zo hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Late 5:10

Pasian aw, a mawhna uh amau thuak sak in la, amau thu mah tawh amau puksak in; amaute in nangmah hong lehdo uh ahih manin amau mawhna tampite hangin amau paaikhia in.

Late 2:5

Tua ciangin hehna tawh amau kiangah thu gen ding a, heh luatna tawh amaute linglawng sakin,

JOB (Job) 6:29

Ngaihsun pha un, a kilawmlopi-in hong hih kei un. Ngaihsun pha un, ka hoihna hong kize-et hi lel hi.

2 KUMPI NIHNATE 20:5

“Kileh kik in la, keima mite’ makai Hezekiah kiangah hih bangin gen in. Na pa David’ Pasian, Topa in hih bangin ci hi: Na thungetna ka za khin a, na khituite ka mu khin hi; en in, nang kong damsak ding a; ni thum ni-in Topa’ innah na paito ding hi.

Late 55:20

Ka kikholhpih mi in ama lawmte langpangin a khut zan a, a thuciamna palsat hi.