Late 59:3 - Tedim Bible

³ Bang hang hiam cih leh, en in, amaute in kei hong pangsim uh hi; mi kihtak-huaite in keimah hong langpangin kikaikhawm uh hi. Topa aw, kei’ thu palsatna, kei’ mawhna hang hi lo,

Tedim Bible Revision 2017

³ Bang hang hiam cih leh amaute in kei hong pangsim uh a, a kihtakhuai mite keimah hong langpangin kikaikhawm uh hi. Topa aw, keima thupalsatna hang hi lo,

Late 59:3 Referans Kwoze

Late 56:6

Amaute kikai khawmin hong buk uh hi, ka kalsuanna hong encik uh hi. Amaute in keimah hong thah ding a hanciam uh bangin,

Late 69:4

Thu omlopi-a kei hong mudah mi, ka lu tunga samzangte sangin tamzaw uh hi; kei hong susia ding, zuauthu tawh hong dote hat mahmah uh hi. Kei’ guk lohpi, ke’n loh ding ka hi hiam?

1 SAMUEL MASA 24:11

En in, ka pa aw, ka khut sunga na puantualpi mong en in; kei tungah khialhna ahi a, kumpi dona ahi zongin a om lohna, na puantualpi mong at khia napi-in nang kong thah lohna thu tawh thei-in na mu ding hi. Kei thah dingin nong zon’ hangin nang tungah ka khial kei hi.

Paunak 12:6

Migilote’ thugente in mi thahnopna bekbek hi a, midikte’ thugente in a lauhuai sunga om mite honkhia hi.

Johan 15:25

Tua ahih ciangin, ‘Thu om loin kei hong mudah uh hi,’ ci-in amau Thukhamna sungah a kigelh bangin a tun’ nading ahi hi.”

Micah 7:2

Leitungah mihoih teng bei khin ta a, Pasian tungah a thuman mi kuamah om nawn lo hi. Mi khempeuh in mi thah ding bek ngaihsun uh a, a kuamah peuh in a sanggampa ngen tawh beng hi.

Sawltak 23:21

Tua ahih ciangin amau deihna bangin zui kei in. Bang hang hiam na cih leh, Paul a thah khit matengun an ne lo, tui dawn lo ding ci-in a kiciam mi sawmli val lampi gei-ah a ding uh hi. Tu-in tuate in amau thu na man’ ding a ngak uh hi,” a ci hi.

Late 38:12

Kei hong that nuamte in a thang uh zakin, kei’ nat nading a zongte in siatna thu gen uh a, sunthapai-in khemna bek ngaihsun uh hi.

Late 2:2

Leitung kumpite leh gam ukte in, Topa leh ama sathau nilhpa langpangin vaihawm uh a,

1 SAMUEL MASA 26:18

Tua ciangin amah in, “Bang hangin ka topa in a nasempa delh ahi hiam? Bang gamta khial ka hi hiam? Ka tungah bang mawhna om ahi hiam?

1 SAMUEL MASA 24:17

Amah in David kiangah, “Nang in kei sangin na thumanzaw hi; keimah in nang tungah a sia kong piak lai takin nang in kei tungah a pha nong pia hi.

1 SAMUEL MASA 19:1

Tua ciangin Saul in David thah ding a ngaihsutna thu a tapa Jonathan leh a nasemte khempeuh kiangah gen hi. Ahih hangin Saul’ tapa Jonathan in David diksa mahmah hi.

Late 140:2

Amaute in a lung sung uh ah thusia geelgeel uh a, gal vive phuang ngitnget uh hi.

Paunak 24:15

Migilote’ gamtat bangin, thuman mite’ omna sugawp kei in la, amau’ teen’na inn luhgawp kei in.