Late 57:2 - Tedim Bible

² A Sang Penpa Pasian’ tung, kei’ Pasian’ tung, kei’ adingin ama deihna a tungsak Pasian’ tungah ka ko hi.

Tedim Bible Revision 2017

² A Sangpen Pasianʼ tungah, keima deihna a hong tungsak Pasianʼ tungah ka ko hi.

Late 57:2 Referans Kwoze

Late 138:8

Topa in kei adinga a ngaihsutna tung sak ding hi; Topa aw, na itna kip kho tawntung hi. Na sepsa na maban hong tun in.

Filippi 1:6

Tua bang ka phatna-ah note tungah a pha nasep hong panpa in Zeisu Khazih’ Ni dongin a kicingin hong bawlin, hong zosak ding hi ci-in ka lungkim hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Isaiah 26:12

Topa aw, kote’ tungah daihna hong pia in. Kote’ matut zawhna khempeuh, nangma hong sepsakna hang ahi hi.

Filippi 2:12

Tua ahih ciangin ka itte aw, note in thu na man’ tawntung uh bangin keimah maitangah tham loin, ka muh lohna-ah zong thungai-in, launa liin’na lungsim tawh, gupna na ngahna uh semkhia un.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Late 56:2

sunthapai-in ka galte in kei hong tuancil a, kiphatsakna tawh mi tampi in kei hong do hi.

Late 17:8

Kei hong sutgawp migilo, keimah hong umcih ka gal kihtak huaite kiang panin mitnauta bangin hong kem in la, na kha lim-ah hong seel in.

Late 41:5

Ka galte in elna tawh keima thu gen uh a: “Cik ciangin amah a si tam, cik ciangin ama min a mang tam?” ci uh hi.

Late 143:9

Topa aw, ka langte’ kiang panin kei hong honkhia in! Nangmah beel dingin kong tai hi!

Isaiah 26:20

Ka mite aw, hong pai-in na inn sung uhah tum un la, na kongte uh khak un; hehna a dam matengin tawlkhat sung bu un.