Late 53:2 - Tedim Bible

² A pil, Pasian a zong mi a om uh hiam cih a theih nadingin Pasian in vantung panin mihing’ tate en suk hi.

Tedim Bible Revision 2017

² A pil, Pasian a zong mi a om uh hiam, cih a theih nadingin Pasian in vantung panin mihingte hong en suk hi.

Late 53:2 Referans Kwoze

Isaiah 55:6

“A kimuh theih hun lai-in Topa zong un la, a nai om lai-in amah sam un;

2 KHANG TANGTHU NIHNATE 15:2

tua ciangin Asa dawntuah dingin amah pai-in ama kiangah, “Ka thu ngai un, Asa leh Judah mite leh Benjaminte aw: Note in amah tawh na om lai teng uh Topa in note tawh om hi. Amah na zon’ uh leh amah na mu ding uh a, ahih hangin amah na nusiat uh leh amah in note hong nusia ding hi.

Late 111:10

Topa zahtakna in pilna kipatna ahi hi; ama thupiak a zuite khempeuh tungah thukhen siamna a pia hi. Amah phat tawntung ding ahi hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Late 27:8

“Ka mai hong zong in,” na ci khin zo hi. Ka lungsim in nang tungah, “Topa aw, nangma mai kong zong hi,” ci hi.

2 KHANG TANGTHU NIHNATE 19:3

Ahi zongin nang na hoihna khat om hi; bang hang hiam cih leh nangmah in gam sung panin Asherah milimte susia-in Pasian zon’ ding na lungsimah na ngaihsun hi,” a ci hi.

Jeremiah 16:17

Bang hang hiam cih leh a omdan khempeuh uh ka mit-in ka mu a, kei’ kiang pana a kiseel bangmah om lo hi. A khialhna khempeuh uh zong ka mit panin a kiseel kei hi.

Late 102:19

Mihingte, kumpi gamte, Topa bia dingin a kikaikhop uh ciangin, mite in Zion khua sungah Topa’ min leh, Jerusalem khua-ah amah phatna a pulak theih nadingun, thongkiate’ taunate za ding leh a si dinga kisehte a khahkhia dingin amah in a sangna ama siangtho mun panin hong ensukin, vantung panin Topa in leitung hong en hi.

Late 11:4

Topa in ama biakinn siangtho sungah om a, Topa’ tokhom in vantungah om hi; a mit-in en a, a mit tawh mihing’ tate entel hi.

Late 10:4

Migilo in kiphatsakna maisuah tawh amah zong lo a, ama ngaihsutna khempeuh ah, “Pasian om kei,” ci hi.

JOB (Job) 28:28

Tua ciangin amah in mihingte tungah, ‘Topa zahtakna in pilna ahi hi, siatna pelhna in thu theihna ahi hi,’ ci hi,” a ci hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

Thu-hilhkikna 4:6

Tuate zui un la, sem un; bang hang hiam cih leh hih thukhamte khempeuh a zak uh ciangin, ‘Hih minam liante in a pil thu thei mi taktak hi,’ a ci ding uh mite’ muhna ah hih thu nomau pilna leh nomau thu theihna hi ding hi.