Late 51:1 - Tedim Bible

¹ Pasian aw, nangma itna kip om bangin kei hong hehpih in la, na hehpihna lian om bangin ka thu palsatnate hong phiatkhiat sak in.

Tedim Bible Revision 2017

¹ Pasian aw, nangma itna kip om bangin kei hong hehpih inla, na hehpihna lian om bangin ka thu palsatnate hong phiatkhiatsak in.

Late 51:1 Referans Kwoze

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Isaiah 44:22

Na thupalsatnate meiipi bangin, na khialhnate meiilum bangin ka phiatkhia khin zo hi; nang hong tan khin ka hih ciangin kei kiangah hong ciahkik in.

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

Late 51:9

Ka mawhna na mai panin seel in la, ka khialhna khempeuh hong phiatkhiat sak in.

Kolose 2:14

Eite lang khatah kilem lo-a a om ngeina tawh kipawl kiciamna lai sumangin, singlamteh tungah khen a, eite kikal sung pan a paaimang hi.

Late 69:16

Topa aw, na itna kip hoih manin kei hong dawng in la, na hehpihna lian a om tawh kizui-in kei lam hong nga in.

2 SAMUEL NIHNA 11:2

Khatvei nitak lamin a lupna panin David tho-in kumpi innkhumzangah a pai leh innkhumzang panin amah in numei khat a kisil galmuh kha hi a numei mel hoih mahmah hi.

Late 106:45

Amaute ading a ngaihsutna-in ama thuciamna a phawk a, ama itna kip lianpi tawh kizui-in a kolsak hi.

Late 4:1

Kong sap ciangin hong dawng in, a thuman ka Pasian! Gimna ka thuak ciangin nopsakna nong pia hi. Kei hong hehpih in la ka thungetna hong za in.

Kah la 3:32

Dahna hong thuaksak thei ding hi, ahih hangin eite a hong itna in muanhuai in a kip tawntung hi.

Late 119:124

Na itna kip tawh kituakin na nasempa tungah hong bawl in la, na ngeina kipte kei hong hilh in.

Late 109:21

Ahih hangin Pasian ka Topa aw, na min na ngaihsutna tawh keima taangin hong pang in la, na itna kip hoih ahih manin kei hong honkhia in!

Late 40:11

Topa aw, na hehpihna kei kiang panin humcip kei in la, na itna kip leh na thumanna keimah hong kem den ding hisak in!

Late 5:7

Kei ahih leh, a kicing na itna kip suangin na inn sungah ka tum ding a, nangmah zahtakna tawh a siangtho na biakinn lam nga-in ka bia ding hi.

Late 106:7

Ka pate un Izipt gamah a om lai-un nangma nasepna lamdangte ngaihsun lo uh hi; nangma itna kip a tampite phawk lo uh a, San Tuipi-ah Sang Penpa hong lehdo uh hi.

Late 69:13

Topa aw, kei ka hih leh nangma tungah thu kong ngetna in, a kicing na itna kip tawh a hun hoih ciangin hong dawng in, Pasian aw.

Daniel 9:9

Nangmah in hehpihna tawh kidimin mawhna maisak a, ahih hangin kote in nang ka hong langpan’ uh hi.

Isaiah 63:15

A siangtho, a minthang nangma omna vantung pan a sangna kumpi tokhom panin, hong ensuk in la, hong mu in. Nangma deihna leh nangma vangliatna koi-ah om ta ahi hiam? Na lungduaina leh nong lainatna kote’ adingin kikhaktan ta hi.

Isaiah 63:7

Topa’ itna kip, Topa phatnate, Topa in eite tunga hong piak na hoihte khempeuh tawh kizui leh, ama hehpihna tawh kizui, a lianpi ama itna kip tawh kizui-in amaute tunga a piak, Israel innkuan tunga ama hoihna lianpite ka gengen ding hi.

Late 145:9

Topa pen mi khempeuh tungah hoih a, ama bawlsate khempeuh tungah ama hehpihna om hi.

Late 77:9

Pasian in hehpihna a neih ding mangngilh khin ta ahi hiam? Amah in hehna tawh ama hehpihnate humcip khin ahi hiam?” ka ci hi.

Daniel 9:18

Pasian aw, ka thungetna uh na bil tawh hong ngai in la hong za in. Hong en in la, kote’ siatna leh na min pua khuapi’ siatna hong mu in. Kote’ gamtatna pha suang hi loin, nangma’ migitna suangin thu kong ngen uh hi.

Nehemiah 4:5

Amaute in a lang tangin kulh ciangte mai-ah nang hong kosia uh ahih manin amau’ mawhna maisak kei in la, na muhna panin zong a mawhna uh sumit kei in,” ka ci hi.

Jeremiah 18:23

Ahih hangin Topa aw, amaute in thah dinga a hong sawmna uh nang na thei hi. Amau’ khialhna na maisak kei in la, nangma’ muhna panin amau’ mawhnate phiatmang sak kei in. Nangma’ mai-ah amaute guallelsak in la, na heh ni mahin hih ek in.