Late 5:5 - Tedim Bible

⁵ A kisatheite na mit tawh kituak lo hi; siatna bawlte khempeuh na mudah hi.

Tedim Bible Revision 2017

⁵ A kisathei mite nangma mit tawh kituak lo a, siatna a bawlte khempeuh nangmah in na mudah hi.

Late 5:5 Referans Kwoze

Late 11:5

Topa in midikte leh migilote en tel a, a ngongtat nuam mi a lungsim in mudah hi.

Hosea 9:15

Topa in hih bangin gen hi. Amau’ gamtatsia khempeuh Gilgal phual pan akipan hi a, tua mun-a kipanin amaute ka muhdah a kipan ahi hi. Amaute’ gamtatsiatna hangin ka gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Late 1:5

Tua ahih ciangin migilote in thukhenna nang zo lo ding a, mimawhte in midikte’ pawl sungah kihel thei lo ding hi;

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Siampi Laibu 20:23

Note’ mai-ah keimah in ka paihkhiat ding minamte’ ngeinate na zui kei ding uh hi; bang hang hiam cih leh amaute in hih nate khempeuh gamta uh ahih ciangin amaute ka kih hi.

Paunak 1:7

Topa zahtakna in pilna kipatna hi a, mihaite in pilna leh thuhilhna don lo uh hi.

Habakkuk 1:13

Ahi zongin hih a gilo zuautat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin, amaute sangin a dikzaw mite a suksiatna-ah, bang hangin daicip na hi hiam?

Paunak 8:5

Ngaihsut kicing nai lote aw, na lungsim uh picing sak un. Mihaite aw, thu ngaihsun un.

Mattiu 7:23

Tua bang a hong gen uh ciangin, ‘Note cikmahin kong thei ngei kei hi. Mawhna a hihte aw, kei kiang panin taikhia un,’ ka ci ding hi.”

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Thuhilh-sia 5:4

Pasian tungah thu na ciam ciangin manlangin tung sak pah in. Amah in mihaite dik sa lo hi. Na thuciamna bangin tung sak in.

Paunak 1:22

”Mihaite aw, bangtanvei hai omom nuam lai na hi uh hiam? Bangtanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Late 75:4

A kiphasakte tungah, “Kiphasak kei un,” a gilote tungah, kihisak kei un;

Late 130:3

Topa aw, nangmah in mawhnate ciamteh lecin, Topa aw, kua in thuak zo ding ahi hiam?

Late 94:8

Thei tel un, mi lungsim mawl pente aw! Lung pillote aw, cik ciangin pil ding na hi uh hiam?

Late 92:6

Migilote lopa bangin selkhia-in, siatna bawl khempeuh a pun’ hangin, amaute pen a tawntungin siatna a thuak ding ahi uh hi; ahih hangin, Topa aw, nang pen asangna-ah a om tawntung na hihna thu, lungsim mawl mi in theithei lo a, lungsim tei lo mi in tel thei lo hi.

Late 14:1

Mihai mi in a lungsim sungah, “Pasian om lo hi,” ci-in ngaihsun hi. Amaute sia uh a, kihhuai gamtatin, ahoih-a gamta kuamah om lo hi.

Late 73:3

Bang hang hiam cih leh migilote’ daupaina ka muh ciangin mi kihisakte ka eng hi.

Late 10:3

Bang hang hiam cih leh migilo in a lungsim deihna kiphatsak pih a, ngah nading a huaihampa in, Topa phuisam-in taisan hi.

Paunak 15:9

Topa in migilote’ gamtatna kihhuai sa a, thuman a deih mite a it hi.