Late 5:4 - Tedim Bible

⁴ Bang hang hiam cih leh gitlohna a deih Pasian na hi kei a, siatna in tawlkhat sung zong nang tawh a omkhawm thei kei hi.

Tedim Bible Revision 2017

⁴ Bang hang hiam cih leh gitlohna lamsang a deih Pasian na hi kei a, siatna pen tawl khat zong nang tawh a om khawm thei ahi kei hi.

Late 5:4 Referans Kwoze

Late 11:5

Topa in midikte leh migilote en tel a, a ngongtat nuam mi a lungsim in mudah hi.

Hebru 12:14

Mi khempeuh tawh kilemin nopsakna ahi zongin, a siangtho gamtatna ahi zongin na phak matengun delh un. Tua siangtho gamtatna a om kei leh, kuamah in Pasian a mu thei kei ding hi.

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

Late 140:13

Thuman mite in nangma min hong phat pelmawh ding uh a, lungsim thutangte pen nangma omna-ah teeng ding uh hi.

Late 50:21

Hihte khempeuh na gamta khin uh a, bangmah ka pau kei hi; kei pen no tawh a kibangin nong ngaihsun uh hi. Ahih hangin tu in note kong tai a, na mawhna uh na mai uh-ah ka koih hi.

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.

Habakkuk 1:13

Ahi zongin hih a gilo zuautat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin, amaute sangin a dikzaw mite a suksiatna-ah, bang hangin daicip na hi hiam?

2 PETER NIHNA 3:13

Ama thuciamna bangin dikna a om van thak leh lei thak eite in i lamen hi.

Late 101:7

Khemna a zang mi peuhmah keima inn ah teeng lo ding a, zuauthu a gen mi peuhmah keima omna-ah om thei nawn lo ding hi.

Late 94:20

Sih nadinga ngeina a bawl, a gilo gam ukte, nang tawh kipawl thei ding ahi hiam?

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

Johan 14:23

Zeisu in, “Kei hong it mi in ka thu zui ding a, ka Pa in amah a it ding a, ama kiangah hawhin, amah tawh ka omkhawm ding uh hi.

1 KHANG TANGTHU MASATE 29:17

Nangmah in lungsim entelin thumanna ah na lungkimna ka thei hi, ka Pasian aw; lungsim thumanna tawh hih nate khempeuh citna tawh kong pia khin a, tu-in nang tungah citna leh lungdamna tawh a hong pia, hih lai-ah a om na mite ka mu zo hi.

Late 63:2

Tua ahih ciangin na vangliatna leh na minthan’nate mu dingin biakinn sungah nangmah kong en hi.

Late 88:14

Topa aw, bang hanga kei hong paikhia na hi hiam? Bang hangin kei kiang panin na maitang seel na hi hiam?