Late 5:11 - Tedim Bible

¹¹ Ahih hangin nang hong belte khempeuh lungdam sak in la, nuamna la sasak tawntung in; na min a deihte, nangma sungah gualzo-a a lungdam theih nadingin amaute na hu hi.

Tedim Bible Revision 2017

¹¹ Ahih hangin nang hong belte khempeuh lungdamsak inla, nuamna la sasak tawntung in. Nangma min a deihte nangma hangin gualzo-in a lungdam theih nadingun amaute na hu hi.

Late 5:11 Referans Kwoze

ROM (Romans) 8:28

Pasian a it mite ahi uh, a geelna banga a sap mite adingin na khempeuh in hoih nadingin a piang uh hi cih i thei hi.

Late 68:3

Ahih hangin midikte lungdam ding hi; Pasian’ mai-ah amaute nuamin diang ding hi; amaute lungdamin awng ding uh hi.

Late 40:16

Ahih hangin nang hong zongte khempeuh nang sungah nuamin kipak hen la, na gupkhiatna a deihte in, “Topa in lian hi!” ci ngitnget uh hen.

Jeim 1:12

Ze-etna a thuak zo mi in thupha a ngah ding hi. Bang hang hiam na cih uh leh, ze-etna a thuak zawh khit ciangin Topa in a it mite a ciamna bangin nuntakna kumpi lukhu a ngah ding hi.

1 KORIN MASA 2:9

Lai Siangtho sungah a kigelh mah bangin: “Pasian a itte adingin Pasian bawlsate in, mittang tawh kimu lo, bil tawh kiza lo, mite’ lungsim sungah a tum lo nate ahi hi,” a ci hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Late 69:36

ama nasemte’ tate in tua leitang luah-in, amah a itte tua sungah teeng ding uh hi.

Late 65:13

lo no-na munte tuuhon tawh kizem-in, kuampite an tawh kidim a, lungdamin awngin amaute in la sakhawm uh hi.

Late 35:27

Kei’ thutan’na lah khiat ding a deihte lungdamin, awng-in, kipaksak in la, a tawntungin, “A nasempa’ hoihna-ah a lungkim Topa lian hi,” cici sak in.

Late 58:10

Heh thukna a muh ciangin thuman mipa lungdam ding a, migilote’ si sungah amah in a khete sil ding hi.

JOB (Job) 38:7

Tua ni-in zingsang aksite in la sakhawm uh a, Pasian’ tapate lungdamin kiko uh hi.

Thukhente 5:31

“Tua ahih ciangin na gal khempeuh si khin uh hi. Topa! Ahih hangin na lawmte pen a vangliatna tawh a suak ni bang ta hen,” a ci hi. Tua ciangin tua gam in kum sawmli sung tawlngakna nei hi.