Late 5:10 - Tedim Bible

¹⁰ Pasian aw, a mawhna uh amau thuak sak in la, amau thu mah tawh amau puksak in; amaute in nangmah hong lehdo uh ahih manin amau mawhna tampite hangin amau paaikhia in.

Tedim Bible Revision 2017

¹⁰ Pasian aw, a mawhna uh amau mah thuaksak inla, amau thu mah tawh amaute puksak in. Amaute in nangmah hong lehdo uh ahih manin amau mawhna tampite hangin amaute paai khia in.

Late 5:10 Referans Kwoze

Isaiah 63:10

Ahih hangin amaute in amah lehdo uh a, a Kha Siangtho dahsak uh hi; tua ahih ciangin amah pen amaute’ gal suak a, amahmah in amaute a do hi.

2 SAMUEL NIHNA 17:14

Tua ciangin Absalom leh Israel mite khempeuh in, “Arkhi mi Hushai’ thugen in Ahithofel’ thugen sangin hoihzaw hi,” a ci uh hi. Bang hang hiam cih leh Topa in Absalom tungah siatna a tun’sak theih nadingin Ahithofel’ thugen hoih tawh a zawh ding Topa in a sehsa ahi hi.

1 KORIN MASA 3:19

Bang hang hiam na cih uh leh, leitungmi’ pilna in Pasian mai-ah haina ahi hi. Bang hang hiam na cih uh leh, Lai Siangtho sungah, “Pasian in mi pilte amaute’ zuauthu tawh a man hi,” ci-in a kigelh hi.

Late 71:13

Kei hong mawhsakte zahhuai-in beimang uh hen la, keima siat nading a zongte, simmawhna leh minsiatna in tuamcip ta hen.

Late 31:18

Thumante lang pang a, kihihsak pau in, kiphatsakna leh simmawhna tawh kam a pau, zuauthu gen mukte pau thei lo sak in.

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn-ah nuak ciah hi. Tua ciangin amah in a innkuan vai hawmsak a, tua ciangin amahmah gui-awk hi; amah si a, a pa’ han-ah kivui hi.

2 SAMUEL NIHNA 15:31

Tua ciangin David kiangah, “Ahithofel zong mi sawmsimte lakah Absalom tawh om hi,” ci-in kigen hi. Tua ciangin David in, “Topa aw, kong thum hi, Ahithofel’ thugente haina-in na heisak in,” a ci hi.

Hosea 9:7

Daan tahna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Note’ mawhna hang leh note in kei nong muhdah luat manun, “Hih kamsangpa mi hai hi; hih thumu-pa lungsim kicing lo hi,” nong ci uh hi.

Kah la 1:5

A galte gualzo uh a, amaute a nuaisiah gawp uh hi. Mawhna tampi a neih manun, Topa in tua bangin gimna a thuaksak hi. Naupangte nangawn sila dingin a kipua khia hi.

Late 55:15

Sihna amau tungah tungsak in; Leinuai-ah a hingtangin amaute paisuksak in la, amaute launa lianpi tawh a han uh ah paisak in.

Late 35:26

Kei’ kamsiatna-ah a lungdamte maizumsak in la zahhuai gawp sak in! Kei tunga hong kiliansakte maizumna leh mindaina silh sak in!

Daniel 9:9

Nangmah in hehpihna tawh kidimin mawhna maisak a, ahih hangin kote in nang ka hong langpan’ uh hi.

Daniel 9:5

Kote ka hih uh leh ka gi kei uh a, ka mawh khin uh a, ka khial khin uh hi. Na hong sawlna bang ka mang kei uh a, na thupiakna leh na thukhamte ka taisan khin uh hi.

Isaiah 1:20

Ahih hangin note in kei hong nialin nong lehdo uh leh namsau in note hong vatmai ding hi; bang hang hiam cih leh Topa in hih thu gen khin zo hi.”

Isaiah 1:2

Vantungte aw, za un, leitung aw, ngai un; bang hang hiam cih leh Topa in thu hong gen khin zo hi: “Ka pattahsa tapate in kei hong lehdo uh hi.

Late 107:11

bang hang hiam cih leh amaute in Pasian’ thute lehdo uh a, Sang Penpa’ thugente nial uh hi.

Late 79:12

Amaute in nang hong zahkona mah tawh ka vengte uh’ ang sungah a zah sagih-in thuk in, Topa!

Late 66:7

Ama hatna tawh a uk ngitngetpa, a mit tawh minamte a encik ngitngetpa, mi lehdote in langpan’ kei uh hen.

Late 17:13

Topa aw, tho in! Amaute maiphut in la, thalpaih in! Topa aw, a deih khempeuh uh hih leitungah a nei migilote kiang panin nangma khut leh na namsau tawh kei hong honkhia in. Amau’ adingin na koihcing danpiaknate thuaksak in la, a tate un zong a cing valin thuak uh hen la, a naungekte’ adingin nusiat lai ta uh hen.

Late 10:15

Migilo leh siatna bawlte’ ban kuaitan in la, a gitlohnate a bei matengin zong in.

Esther 7:10

Tua ciangin kumpipa in, “Tua tungah amah khailum un,” a ci hi. Tua ahih ciangin Mordekai khailup nadingin a phuh khuam tungah Haman khai lum uh hi. Tua ciangin kumpipa’ hehna dam hi.

2 KHANG TANGTHU NIHNATE 25:16

Ahih hangin amah in thu a gen lai takin kumpipa in ama kiangah, “Kumpi tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin, “Nangmah in hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

1 SAMUEL MASA 25:39

Nabal a sihna thu David in a zak ciangin amah in, “Nabal’ khut tung panin ka ngah zahkona hong thuk sakin, siatna panin a nasempa a lenkik Topa in thupha ngah ta hen; Topa in Nabal’ gamtat siatna ama lu tung mah ah tung kiksak hi,” a ci hi. Tua ciangin David in mi sawlin ama zi dingin Abigail helsak hi.

1 SAMUEL MASA 25:29

Nangmah delhin hong that dingin mite hong thawh leh, nangmah in Topa na Pasian kepna sung a hing mite lakah na om ding hi; amah in suang lotna kuang pan lotkhiat bangin na galte lawnkhia ding hi.

Thu-hilhkikna 2:30

Ahih hangin Heshbon kumpipa Sihon in eite hong paisak lo hi; bang hang hiam cih leh tu huna mah bangin na khut sung uhah amah hong piak theih nadingin Topa a Pasian un a lungsim khauh sakin, amah paupeng sak hi.