Late 49:5 - Tedim Bible

⁵ Haksatna hun, kei hong bawlsiate’ gitlohna in kei hong nehcip ciangin bang hangin lau ding ka hi hiam?

Tedim Bible Revision 2017

⁵ Haksat hun, hong bawlsiateʼ gitlohna in hong nencip ciangin bang hangin lau ding ka hi hiam?

Late 49:5 Referans Kwoze

Sawltak 27:24

‘Paul aw, nang lunghimawh kei in. Kaisar kumpipa mai-ah na ding ding hi. Nangmah tawh teembaw sungah a omkhawm mi khempeuhte Pasian in nang hong pia zo hi,’ hong ci hi.

Filippi 1:28

Tua bangin galte hangah lau lohna in amaute’ adingin kisiat nading lim ahi hi; note’ adingin ahih leh, Pasian’ vaihawmna bangin gupna lim ahi hi.

Efesa 5:16

tuni hunte in a gilo ahih maninah, ahun na teel un.

Amos 5:13

Tua ahih manin hih bang hun siat hun lai takin, thu ngaihsun thei mite pau loin a om khikhe, lamdangsak ding hi lo hi.

Hosea 7:2

Amau’ gamtatsiatna khempeuh ka phawk lam tak amaute in ngaihsutin nei kha lo uh hi. Amau’ mawhna in amaute gakcip a, ka muhna mahmah-ah om gige uh hi.

Paunak 24:10

Haksakna na tuah ciangin na lung a kiat leh, a gina lo mi na hi hi.

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

Late 38:4

Bang hang hiam cih leh ka mawhnate in ka lu tuum zo a, keima puak ding a giklua van-gik tawh kibang hi.

Late 23:4

Sihna lim guam sung nangawn ka nawk hangin, siatna ka kihta kei hi. Bang hang hiam cih leh kei tawh nang nong omkhawm hi. Na molhtum leh na ciangkhut in kei hong lungmuang sak hi.

Late 22:16

Hi hi, ka kim-ah uite om a, siatna bawl mihon khat in hong umcih hi; ka khut ka khete sunlet zo uh hi—

1 SAMUEL MASA 26:20

Tua ahih ciangin tu-in Topa’ omna panin gamdang leitangah kei hong si sak kei in; bang hang hiam cih leh mual tungah vaka a bengpa bangin Israelte kumpipa keimah that dingin nong kuankhia hi,” a ci hi.

Piancilna 49:17

Dan in lampi-ah gulpi hi ding a, sul gei-ah gulgu nei hi ding hi, sakol’ khetul petin a tuangpa nungkiat hi.

Gamlak-vakna 23:7

Balaam in a thugen ding teng genin, “Aram panin Balak in kei hong paipih hi, nisuahna mualte panin Moab kumpipa in hong paipih hi; ‘Hong pai in, Jakob mite hong samsiat sak in, hong pai in, Israel mite mawhsak in! hong ci hi.

Late 78:2

Note tungah thu kong gen ding hi. I pu i pate in hong gensa, eite in i zaksa leh i theihsa, taanglai-a thuthukte kong genkhia ding hi.