Late 49:11 - Tedim Bible

¹¹ Amaute in leitangte amau min a puaksak hangun, hante pen khang tawntunga amau omna, amau inn hi ngitnget hi.

Tedim Bible Revision 2017

¹¹ Amaute in leitangte amauʼ min a puaksak uh hangin hankhuk pen khang tawntung amauʼ omna hi ngitnget ding hi.

Late 49:11 Referans Kwoze

Piancilna 4:17

Kain in ama’ zi luppih a, amah gai-in Enok nei hi; amah in khuapi khat sat a, tua khuapi min dingin ama' tapa' min Enok phuak hi.

Late 64:6

Eite’ mawhna kua in hong kankhia zo ding ahi hiam? Siam mahmahna tawh i sawm simna i ngaihsun khia hi,” ci-in ngaihsun uh hi. Bang hang hiam cih leh mihingte’ sung thu leh lungsim thuk mahmah hi.

Late 5:9

Bang hang hiam cih leh amau sungah thuman om lo hi; amau lungsim ah siatna bek ngaihsun uh a, amau gawlgui in a kihongsa hankhuk tawh kibang hi. A leii uh tawh mawk phat uh hi.

Ezekiel 38:10

“Topa Pasian ahi keimah in nang Gog tungah kong gen in ah: Tua hun ding hong tun’ ciangin na lungsim sungah gitloh gamtat ding ngaihsut na kipan ding hi.

Late 10:6

A lungsim sungah, “Kiling ngei kei ning; khang tawntungin kamsiatna tuak kei ning,” ci-in amah in ngaihsun hi.

2 SAMUEL NIHNA 18:18

Tu-in Absalom in ama nuntak sungin khuampi khat la-in ama adingin phutin Kumpipa’ Kuam-ah om hi; bang hang hiam cih leh amah in, “Keima min hong zom ding tapa ka nei kei hi,” a ci hi; tua khuampi ama min tamin phuak a, tu ni dongin Absalom’ Mual kici hi.

Sawltak 8:22

Tua ahih ciangin na khialhna na kisikkik in la, na lungsim ngaihsutna a kimaisak nadingin Pasian kiangah thu na ngen in.

Luka 11:39

Topa in, “No Faraisaite in hai leh dalkuangte a pua lam na silsiang uh hangin, na sung lam uh ah ngongtatna leh gitlohna tawh na kidim uh hi.

1 SAMUEL MASA 15:12

Tua ciangin Saul dawn dingin zingsangin Samuel tho baih hi; tua ciangin Samuel kiangah, “Karmel-ah Saul hong pai hi, en in, amah in ama adingin phawkna mual khat phutin, kihei-in paisuak a, Gilgal-ah paisuk hi,” kici hi.

Thu-hilhkikna 3:14

Manasseh mi Jair in Bashan kici Argob gam khempeuh, Geshur mite leh Ma-akath mite’ gamgi dong la a, tua sunga khua neu minte ama min tam sakin tuni donga a kip Havvoth-jair phuak hi.)

Late 39:7

“Tu-in Topa aw, ke’n bang ngak lai ka hi hiam? Ka lametna nang sungah om hi.

Thuhilh-sia 2:14

Mipilte in a pai nading mun mu thei a, mihaite in a pai nading mun mu thei lo hi. Ahi zongin a pil leh a hai in a kibang khat a tuah tuak ding ka thei hi.

Thuhilh-sia 2:21

Pilna, siamna, theihna siit loin na kisem a, themkhat zong a gimpih het lo mi khat’ adingin nusiat ding hi zenzen hi. Hih thu in a man het lo, a mawknapi taktak ahi hi.