Late 48:11 - Tedim Bible

¹¹ Zion Mual lungdam sak in! Na thukhenna hangin Judah’ mite lungdam sak in!

Tedim Bible Revision 2017

¹¹ Zion Mual lungdamsak in. Na thukhenna hangin Judah mite lungdamsak in.

Late 48:11 Referans Kwoze

Late 97:8

Pasian aw, Zion in za-in nuam a, nangma thukhennate hangin Judah khuapite lungdam uh hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Luka 23:28

Zeisu in kihei a, “Jerusalem’ tanute aw, kei adingin kap kei un. No ading leh na tate uh ading na kap zaw un.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Isaiah 37:22

amah tawh kisai-in Topa’ thugen in hih ahi hi: ‘Sennakherib aw, Zion tanungak siangtho in nang hong simmawh in hong zahko uh hi; Jerusalem mite in na nungah a lu hong peisan lel uh hi.

Solomon la 5:16

A kampaute, khum zungzung a, a vekpi-in, deih loh ding, khat zong om lo hi. Ka ngaihno, hih bang teng hi. Jerusalem nungakte aw.

Solomon la 3:5

Jerusalem nungakte aw, ko’ kingaihna nong suknawi loh nadingun, sakhi leh sanang tawh kei tungah hong kiciam un.

Solomon la 2:7

Jerusalem nungakte aw, ko’ kingaihna nong suknawi loh nadingun, sakhi leh sanang tawh kei tungah hong kiciam un.

Solomon la 1:5

Jerusalem nungakte aw, ka vom hangin ngaih baang ing. Savun puanbuk bangin ka ang hiuhiau a, Solomon’ puankhaite ka bang hi.

Late 58:10

Heh thukna a muh ciangin thuman mipa lungdam ding a, migilote’ si sungah amah in a khete sil ding hi.

Thukhente 5:31

“Tua ahih ciangin na gal khempeuh si khin uh hi. Topa! Ahih hangin na lawmte pen a vangliatna tawh a suak ni bang ta hen,” a ci hi. Tua ciangin tua gam in kum sawmli sung tawlngakna nei hi.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.