Late 47:4 - Tedim Bible

⁴ Ama itpa Jakob’ angtan’pih ahi, eima luah ding amah in hong teelsak hi.

Tedim Bible Revision 2017

⁴ Ama it Israel-teʼ angtan pih eima luah ding leitang amah in hong teelsak hi.

Late 47:4 Referans Kwoze

Nahum 2:2

(Israel mite, a galte’ sukgawp ma, a nidang ngeina bangun, Topa in a om sakkik ding a kipan ahi hi).

Amos 6:8

Topa Pasian thupi takin kiciam khin a, Topa, mihonte’ Pasian in hih bangin ci hi: Israelte’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi leh a sunga om teng, galte khut sungah ka pia ding hi.

Amos 8:7

Topa, Israel Pasian in ama min liatna tawh kiciam a, “Na gamtat siatnate uh ka mangngilh ngei kei ding hi.

Hosea 14:4

Ka mite tungah heh nawn lo ka hih manin ka mite ka kiangah ka sam kik ding a, lungsim takpi tawh amaute ka it ding hi.

Efesa 1:18

hong sapna tawh kipawl lametna in bang ci bang lametna hi ahi zongin, misiangthote’ neih Topa luahna vangliatna bangzaha lian ahi zongin,

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Malakhi 1:2

Topa in, “Note kong it hi,” ci hi. Ahi zongin note in, “Kote hong bangci it na hi hiam?” na ci uh hi. Topa in hong dawng a, “Esau leh Jakob in unau hi a, ahi zongin Jakob leh a suan a khakte itin,

Ezekiel 20:6

Izipt gam panin amaute paikhiatpihin, amaute’ adingin ka zon’ khiatsak, bawngnawi leh khuaizu a luan’na gam ahi, gamsung khempeuh panin a hoih penna munah amaute ka tun’pih nading thu tua ni teek mahin ka ciam hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Isaiah 60:15

Hong kinusia, hong kimudah, kuama hong nawk loh nang pen, a tawntungin kisak theihna leh khang khat pan khang khat lungdamna ahi dingin kong bawl ding hi.

Late 16:3

Leitung a, om mi siangthote ahih leh, amaute nampi hi a, amau sungah ka lungkimna teng om hi.

Thu-hilhkikna 11:12

Topa na Pasian un a kep leitang ahi hi; kum kipat-a kipan kum bei dongin Topa note Pasian’ mitte in tua leitang en tawntung hi.

Thu-hilhkikna 33:3

Hi taktak hi, amah in a mite it a, ama tungah a ki-ap mite khempeuh a khut sungah om hi; tua ahih ciangin amaute in na khephung ah hong kun uh a, nang tung panin lamlahna ngah uh hi.

Late 136:22

ama nasem Israel tungah gamh-a a piapa tungah, bang hang hiam cih leh ama itna kip kho tawntung hi;