Late 47:1 - Tedim Bible

¹ Mi khempeuh aw, na khut uh beeng un! Lungdamna la nakpi-in sa-in Pasian phat un.

Tedim Bible Revision 2017

¹ Mi khempeuh aw, na khut uh beeng un! Lungdamna la nakpi-in sa-in Pasian phat un.

Late 47:1 Referans Kwoze

Late 106:47

Topa, kote’ Pasian aw, kote hong hon in la, nangma min siangtho kong phat theih nading uh leh nangma tungah lungdamna kong koh theih nadingun, minamte lak panin kote hong kaikhawm kik in.

Late 98:4

Leitung mi khempeuh aw, Topa tungah lungdamin la sa un la, lungdamin awng khia un la phatna la sa un!

Jeremiah 31:7

Bang hang hiam cih leh Topa in kong cih-inah, “Jakob adingin lungdamna tawh ngaih takin la sa un la, gam khempeuh lak a, gam lianpen adingin awng un. ‘Topa in Israel mi a om laite, ama’ mite hong honkhia khin zo hi,’ ci-in tangko un la, phat un.

Isaiah 55:12

“Bang hang hiam cih leh lungdamna tawh Babilon panin na paikhia ding uh a, nopsakna tawh hong kipaikhiatpih ding hi; note mai-a mual liante leh mual neute in lasa-in awng ding uh a, gamsunga sing khempeuh in a khut uh beeng ding uh hi.

Late 46:1

Pasian in eima belh leh i thahatna hi a, haksat hunin hong huh pahpahpa ahi hi.

Late 47:5

Aw ging tawh Pasian paito a, pengkul aw tawh Topa paito hi.

2 KUMPI NIHNATE 11:12

Tua ciangin amah in kumpipa’ tapa paikhiatpihin, ama tungah kumpi lukhu koih a, tecipan’na amah pia hi; tua ciangin amaute in amah kumpi hi, ci-in tangko-in amah sathau nilh uh hi; tua ciangin amaute in a khut uh bengin, “Kumpipa khan’ sau hen!” a ci uh hi.

2 SAMUEL NIHNA 6:15

Tua ahih ciangin David leh Israel mi khempeuh in otna leh saki tumna awging tawh Topa’ thuciamna singkuang paipih to uh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Zekhariah 4:7

Thu haksa pente nangawn in na ma hong khaktan zo lo ding hi. Biakinn na lamkik ding a, mite in, ‘Hoih mahmah hi,’ ci-in a ot ngeii-ngai lai takin a khupna suang na ciang ding hi, hong ci hi,” a ci hi.

Late 98:8

Gunte aw, na khut uh beeng un. Mualte aw, Topa mai-ah lungdamin la sa un. Bang hang hiam cih leh leitung a uk dingin amah hong pai ta a, thumanna tawh leitung mite’ thu ahi bangin hong khen ding hi.

2 KHANG TANGTHU NIHNATE 13:15

Tua ciangin Judah mite in a galdona aw kiko uh hi. Judah mite a kiko uh ciangin Abijah leh Judah mite’ mai-ah Pasian in Jeroboam leh Israel khempeuh zo hi.

1 SAMUEL MASA 10:24

Tua ciangin Samuel in mi khempeuh tungah, “Topa in a teelsa mipa na mu uh hiam? Mi khempeuh lakah amah tawh a kibang khat zong om lo hi,” a ci hi. Tua ciangin mi khempeuh awngin, “Kumpipa khan’ sau hen!” a ci uh hi.

Zefaniah 3:14

Zion’ tanu aw, nakpi takin la sa in la, Israel aw, lungdamin kiko in, Jerusalem tanu aw, na lungsim khempeuh tawh lungdam in.

Late 42:1

Sakhi in luitui luang sialsial a lunggulh bangin, nang kong lunggulh hi, Pasian aw.