Late 45:3 - Tedim Bible

³ Vanglianpa aw, na minthan’na leh na liatna tawh, na namsau kuah in.

Tedim Bible Revision 2017

³ Vanglian kumpipa aw, na minthanna le na liatna tawh na namsau kuah in.

Late 45:3 Referans Kwoze

Hebru 4:12

Bang hang hiam i cih leh, Pasian’ thu in nungta a, vangliatna nei a, lang nih a hiam namsau sangin hiamzaw a, nuntakna leh kha ahi zongin, guh-le-tang leh guhngeek ahi zongin, khenin pailet thei a, lungsim ngaihsutnate leh hanciamnate khempeuh a thei thei hi.

Mangmuhna 1:16

A khut tak lamah aksi sagih a tawi hi. A kam sungpan a lang nih a hiam namsau a pusuak hi. A maitang meel in a tang pha mahmah ni tawh kibang hi.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

Isaiah 49:2

Amah in ka kam, namsau hiam bangsak a, ama khut liim tawh kei hong hu hi; amah in a kinawtngil thaltang bangin kei hong bawl a, a hiamsa-in zat pah dingin a thallawng sungah kei hong koih hi.

Late 96:6

Pahtawina leh liatnate ama mai-ah om a, hatna leh hoihnate ama omna mun siangtho-ah a om hi.

Late 21:5

Nangma huhna hangin ama minthan’na lian a, hoihna leh minliatna ama tungah na pia hi.

Mangmuhna 19:21

A om lai mite in sakol tungah a tuang mipa’ kamsung pan a pusuak namsau tawh thahna thuakin, ka gensa vasate in amaute’ sa kham takin a ne uh hi.

Hebru 8:1

Tu-a-kigensa thute a bulpi in tua bang siampi ukpa i nei a, Amah in vantung vanglianpi tokhom ziat lamah tu-in a om hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

ROM (Romans) 14:9

Khazih in misite leh mi nungtate’ Topa a suah nadingin sihna thuak a, a sih khit ciangin a hing kik hi.

Late 145:12

a vanglian nangma sepnate leh na Kumpi gam hoihna a minthan’nate mihing tate’ tungah kitheisak ding uh hi.

Late 145:5

Nangma liatna leh na minthan’na a lamdang nangma sepnate ka lungngaingai ding hi.

Late 104:1

Topa ka phat ding hi. Topa ka Pasian aw, nang na lian mahmah hi. Nangmah in minthan’na leh liatna na silh hi.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Thukhente 3:16

Ehud in ama adingin lang nih a hiam, tong khat a sau namsau khat bawl hi; amah in a puan nuai a taklam phei tungah tua namsau khih hi.

JOB (Job) 1:16

Amah in thugen a khit ma-in kamtai dang khat hong tungin, “Vantung panin keek hong kia a, tuute leh tuucingte kha-in kangtum uh hi; hih thu nang kiangah hong ko thei dingin kei bek kong suakta hi,” a ci hi.

Late 21:7

Bang hang hiam cih leh kumpipa in Topa muang a, Sangpen Pa’ itna kip hangin amah a kiling kei ding hi.

Solomon la 2:3

Ka ngaihno, tangval dang tawh teh lehang, gamlak singkung lak-a apple kung tawh kibang hi. Ama liim-ah ka tu nuam a, a gahte lim ka sa hi.

Solomon la 5:13

A biangte pen paknamtui a dim-a kithun, thawlsan kiuhkeuh tawh kibang hi, A mukte pen, mirrah paknamtui tawh a kidim, unok paak tawh kibang hi.