Late 45:1 - Tedim Bible

¹ Thubul hoih khat tawh keima lungsim hong dimlet-in, ka late kumpipa tungah ka sak a, ka leii in lai theipa’ laikung tawh kibang hi.

Tedim Bible Revision 2017

¹ Thubul hoih khat tawh ka lungsim hong dimletin, kumpipa la ka phuah a, ka leii pen lai thei paʼ laikung tawh hong kibang hi.

Late 45:1 Referans Kwoze

Late 49:3

Ka kam in pilna thu gen ding hi; ka lungsim’ ngaihsutna in thutelna hi ding hi.

JOB (Job) 33:3

Ka gen khempeuh lungsim takpi tawh ka gen hi a, aman thu a gen ka hi hi.

2 SAMUEL NIHNA 23:2

“Topa’ Kha in kei tung tawnin thu hong gen a, ka kam sungah ama thugente om hi.

Paunak 16:23

Mipilte in thu ngaihsun kawmin kam pau uh a, amau’ pauna zaknophuai semsem hi.

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.

Isaiah 5:1

Ka lawm itpa’ tangin, a leenggui lo a itna la hong sa ning: Ka lawm itpa in, lei hoih mahmahna mual tung khatah leenggui lo khat a nei hi.

Late 69:1

Pasian aw, hong hon in! Bang hang hiam cih leh tui in ka ngawng ciang hong tum ta hi.

JOB (Job) 34:4

Thuman bang hiam cih teng khia ni; thuhoih bang hiam cih mu khia ni.

Efesa 5:32

Hih thu in thuthukpi ahi hi. Tua bang ka cih ciangin Khazih leh pawlpi ngaihsunin ka gen hi.

Mattiu 27:37

‘HIH PA IN JUDAHTE’ KUMPIPA ZEISU HI,’ ci-in a mawhsakna lai a lu tungah a suang uh hi.

Solomon la 1:12

Ka kumpipa a lupna tungah a om lai takin ka paknamtui hong kizeel hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

Ezra 7:6

hih Ezra pen Babilon panin hong paito hi. Amah pen Israel Pasian, Topa in a piak Moses thukham a siam lai thei mi khat ahi hi; Topa ahi ama Pasian in ompih ahih manin ama nget khempeuh kumpipa in pia hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Mattiu 12:35

Miphate in a sumkholna hoih sung pan a pha nate a pusuaksak hi. Mipha lote in a hoih lo sumkholna sung panin a pha lo nate a pusuaksak hi.

Late 80:1

Tuuhon bangin Josef a paipih, Israel Tuucingpa aw, ngai in! Nang, Kherubte tunga tu-pa aw,

Late 42:1

Sakhi in luitui luang sialsial a lunggulh bangin, nang kong lunggulh hi, Pasian aw.