Late 44:3 - Tedim Bible

³ bang hang hiam cih leh amaute in amau namsau tawh leitang ngah lo uh a, amau khut in amaute gualzawhna pia lo hi; na khut taklam leh na baan, na hehpihna maipha hizaw hi; bang hang hiam cih leh amau sungah nang na lungkim hi.

Tedim Bible Revision 2017

³ Bang hang hiam cih leh amaute in namsau tawh leitang ngah lo uh a, amauʼ khut in amauteʼ tungah gualzawhna pia lo hi. Na khut taklam le na baan, na hehpihna maipha hizaw hi. Bang hang hiam cih leh amaute tungah nang na lungkim hi.

Late 44:3 Referans Kwoze

Joshua 24:12

Amor kumpi nihte note mai-ah a hawlkhia tunpite keimah in note mai-ah ka sawl hi; tua in note’ namsau ahi a, note’ thal tawh ahi zongin na dona hang uh hi lo hi.

2 KORIN NIHNA 4:7

Ahih hangin a lian mahmah vangliatna in ko kiang pan hi lo, Pasian kiang pan ahih nadingin tua sum leibeel sungah kiguangin kote in ka nei uh hi.

Zekhariah 4:6

Tua ciangin vantungmi in kei kiangah, “Topa in Zerubbabel’ tungah hih bangin thu gen hi; Thagum hat hang hi lo, vangliatna hang zong hi lo, keima tung panin na ngah Kha hang bek tawh na ma na tun’ zo ding hi.

Late 77:15

Nangmah in na khut tawh Jakob leh Josef’ tate, na mite na tankhia hi.

Late 20:6

Topa in a sathau nilhpa a huh ding tu in ka thei ta a, ama vantung siangtho panin ama taklam khut-a gualzawhna lianpite tawh amah a dawng ding hi.

Thu-hilhkikna 10:15

tua hi napi-in Topa in itna tawh ama lungsim na pu na pate uh tungah koihin, tu ni-a mah bangin midangte khempeuh sangin nomau’ suan leh khakte hong teel hi.

Paikhiatna 15:16

Launa leh kihtakna amau' tungah tung a, nangmah' thahat vangliatna hangin amaute suangtum bangin taang loin om uh a, Topa aw, nangma' mite in a khen’ mateng, nangma' leisa mite in a khen’ mateng, amaute khikcip uh hi.

Late 42:11

Bang hangin khakunkun ka hi hiam, bang hangin lunghimawh ka hi hiam? Pasian’ sungah lametna nei ning; bang hang hiam cih leh kei hong huhpa ka Pasian ka phatkik na ding hi.

Late 42:5

Bang hangin khakunkun ka hi hiam, bang hangin lunghimawh ka hi hiam? Pasian’ sungah lametna nei ning; bang hang hiam cih leh kei hong huhpa ka Pasian ka phat kik na ding hi.

1 SAMUEL MASA 12:22

Topa in ama min a khualna-in ama mite paaikhia lo ding hi; bang hang hiam cih leh ama mi-in note hong bawl nadingin Topa lungkim sak hi.

Late 74:11

Bang hangin na khut dok kik a, na khut taklam na ang sungah koih na hi hiam?

Late 17:7

Amau’ langpangte’ kiang panin na taklam khut hong belte’ Honpa aw, na itna kip lamdang takin hong lak in.

Late 4:6

Mi tampi in, "Thupha ngah thei leeng ut si hang. Ko tungah na maitang vang hong taangsak in, Topa!" ci uh hi.

Gamlak-vakna 14:8

Eite tungah Topa a lungkim leh, bawngnawi leh khuaizu a luan’na hih leitangah eite hong paipihin eite tungah tua leitang hong pia ding hi.

Isaiah 63:12

Moses, tung tawnin a vangliatna khut zangin na lianpipi a sempa, ama mite’ mai-ah tuite khenkhamin, amah a minthan’ tawntung nadingin hih bang nate a sempa, tu-in koi-ah om ta ahi hiam, ci uh hi.

Late 80:16

Amaute in mei tawh hal-in sattan uh hi; amaute heh-et in la, susia in.

Joshua 3:10

Joshua in, “A nungta Pasian note lakah a omna hih thu tawh na thei ding uh hi, amah in pel loin note mai panin Kanaan mite, Hit mite, Hiv mite, Perez mite, Girgash mite, Amor mite, leh Jebus mite hawlkhia ding hi.

2 SAMUEL NIHNA 7:23

Ama mite’ mai-ah minam khat leh a pasiante hawlkhiatna tawh ama adingin min bawlin, amaute’ adingin alian a lauhuai nate hih sakin, ama mi dingin a tankhia dingin Pasian a paina na mi Israelte, leitung minam dang kua tawh kibang ahi hiam?

2 KHANG TANGTHU NIHNATE 20:7

Kote’ Pasian aw, hih gamah a teeng mite na mi Israelte’ mai-ah hawlkhia-in, na lawmpa Abraham’ suan leh khakte tungah a tawntung dingin pia hilo na hi hiam?

Late 78:55

Amah in, minamte, amau’ mai panin hawlkhia-in; amau’ luah ding neihsa hawmsak a, Israel minamte amau buk sungah teeng sak hi.

Late 80:9

Nangmah in tua leenggui’ adingin lei na hahsiang a, amah in zung thuk kha-in leitang dim hi.

Late 111:6

Amah in ama mite tungah minamte’ gamh a piakna tawh ama vangliatna hong lak khin hi.