Late 44:2 - Tedim Bible

² Na khut tawh minam dangte na hawlkhia a, ahih hangin amaute na phut hi; midangte na sugawp a, ahih hangin amaute na suakta sak hi;

Tedim Bible Revision 2017

² Nangmah in minam dangte na hawl khia mang a, ahih hangin amauʼ munah ka pu ka pate uh na tengsak hi. Midangte na su gawp a, ahih hangin amaute na suaktasak hi.

Late 44:2 Referans Kwoze

Paikhiatna 15:17

Nang in amaute hong paipihin nangma' mual tungah amaute na suan ding a, Topa aw, nangma' om nading mun-a na bawlsa munah, Topa aw, na khutte in a phuhsa na biakinn-ah, na koih ding hi.

Late 78:55

Amah in, minamte, amau’ mai panin hawlkhia-in; amau’ luah ding neihsa hawmsak a, Israel minamte amau buk sungah teeng sak hi.

2 SAMUEL NIHNA 7:10

Keimah in ka mi Israelte adingin mun khat ka seh ding a, amaute in amau’ mun-ah teengin a kinawngkaisak nawn loh nadingin amaute ka phut ding hi; nidang bangin mi ngongtatte in,

Joshua 21:43

Tua bangin Topa in amau’ pate tungah piak dingin a kiciam leitang khempeuh Israel tungah pia hi; amaute in a ngah khit uh ciangin tua lai-ah teeng uh hi.

Joshua 11:23

Topa in Moses tungah a gensa bangin Joshua in leitang khempeuh la hi; tua ciangin Joshua in amau minam tawh kizui-in a ngah ding bangin Israel mite tungah gamh-in pia hi. Tua-a kipan galdona panin tua gam tawlnga hi.

Late 105:44

Amaute in ama ngeina kipte zui-in, ama thukhamte a neih theih nadingin, amah in, amaute tungah minamte’ leitang pia a, mite’ nasepna gahte zong a ngahsak hi. Topa phat un!

Joshua 24:12

Amor kumpi nihte note mai-ah a hawlkhia tunpite keimah in note mai-ah ka sawl hi; tua in note’ namsau ahi a, note’ thal tawh ahi zongin na dona hang uh hi lo hi.

Joshua 10:42

Israelte’ Topa Pasian in Israelte adingin dosak ahih manin Joshua in hih kumpite khempeuh leh amau leitang hun khat sungin la khin hi.

Joshua 10:11

Israelte mai-ah amaute a tai laitak, Bethhoron paitohna-ah a paisuk lai takun, Topa in vantung panin gialpi lianpite Azekah khua ciang dong, amaute tungah lawnsuk a, amaute si uh hi; Israel mite in namsau tawh a thah sangin tua gialpi hanga a si mi tam zaw hi.

Joshua 3:10

Joshua in, “A nungta Pasian note lakah a omna hih thu tawh na thei ding uh hi, amah in pel loin note mai panin Kanaan mite, Hit mite, Hiv mite, Perez mite, Girgash mite, Amor mite, leh Jebus mite hawlkhia ding hi.

Thu-hilhkikna 7:1

“Topa na Pasian un luah dinga na tumna uh leitangah hong paipihin, note’ mai-ah Hit mite, Girgash mite, Amor mite, Kanaan mite, Perez mite, Hiv mite, leh Jebus mite, no sangin lianzaw-in a thahat zaw minamte note mai panin siang khia sakin,

Gamlak-vakna 13:32

Tua ahih ciangin amaute in amau’ vaansa gam thu Israel mite tungah a sia lamin hong puak uh a, “Kote in a vaan dingin ka va paina uh gam in a tunga teeng mite a valhtum thei ding gam ahi hi; tua lai-a ka muh uh mite khempeuh mi tha liante ahi hi.

Paikhiatna 34:11

“Tu ni-a nang kong thupiak zui in. En in, na mai-ah Amor mite, Kanaan mite, Hit mite, Perez mite, Hiv mite leh Jebus mite ka hawlkhia ding hi.

Paikhiatna 23:28

Note’ mai panin Hiv mi, Kanaan mi leh Hit mi a hawlkhia dingin note’ mai-ah tunpi ka sawl ding hi.

Paikhiatna 15:19

Bang hang hiam cih leh Faro’ sakolte ama' leengte tawh, a sakol tuangte tuipi sungah a pai ciangin, Topa in tuipi tuite amaute tuumsak kik hi; ahih hangin Israel mite tuipi laizang leikeu tungah pai uh hi.

Thu-hilhkikna 4:38

note sangin a tamzaw leh a vanglian zawte’ gamah hong paipihin, note’ luah dingin amau’ leitang hong piak nadingin note mai-ah amaute hong hawlkhiat sak ahih manin tu ni-in hih bangin na om thei uh hi;

Thu-hilhkikna 32:7

A beisa hunte phawk un la, khang tampi hunte ngaihsun un; na pa dong in, hong lak ding hi; na upate dong in, hong gen ding uh hi.

Thukhente 6:13

Gideon in ama kiangah, “Kong thuum hi, sia aw, Topa in kote tawh hong om ahih leh, bang hangin hih nate khempeuh ko tungah hong tung ahi hiam? Ka pate un kote tungah hong genin ‘Topa in Izipt panin eite hong paipih to hilo ahi hiam?’ a cih uh a lamdang ama sepnate khempeuh koi-ah om ahi hiam? Ahih hangin tu-in Topa in kote hong paaikhia-in, Midiante’ khut sungah hong pia khin hi,” a ci hi.

2 SAMUEL NIHNA 23:12

Ahih hangin amah in tua mun laizangah pan’mun la-in hu a, Filistiate that hi; Topa in gualzawhna lianpi piangsak hi.

Isaiah 51:9

Khanglo in, Khanglo in, thakhauh in, Topa’ khut aw; khang sawtpi, hun lui lai-a bangin na vangliatna zangin hong huh in. Rahab a satzan gawppa, gulpi a sunpa nangmah hilo na hi hiam?

Jeremiah 32:23

Amau zong hong lut-in a luah pah uh hi. Ahih hangin amaute in na thu hong mang loin, thukham hong zui lo uh a, hih ding a, na thupiakte khat beek a hih kei uh hi. Tua ahih manin amau’ tungah hih siatna khempeuh na tungsak hi.