Late 44:10 - Tedim Bible

¹⁰ Galte kiang panin kote nong nungkiksak a, ka galte un ka neihsa teng uh bu-luah khin uh hi.

Tedim Bible Revision 2017

¹⁰ Galte kiang panin kote nong nungkiksak a, ka galte un ka neihsa teng uh buluah khin uh hi.

Late 44:10 Referans Kwoze

Joshua 7:8

Topa aw, Israelte in a galte uh mai-ah a nungkik uh ciangin bang gen thei ding ka hi hiam!

Siampi Laibu 26:17

Keimah in note kong maisiat ding a, na galte uh mai-ah, lelhna na thuak ding uh hi; note hong mudah mite in note hong uk ding a, kuamah in note hong delh lo napi-in na tai ding uh hi.

Late 89:41

A pai khempeuh in ama nate sutgawp uh a, amah pen a vengte’ nuihsat a suak hi.

Joshua 7:12

Tua thu hangin Israel mite in a galte uh nang zo lo uh hi; amaute suksiat ding mi, na suak khin uh ahih manin a galte uh mai-ah nungkikin, tai uh hi. Note lak panin a ki-ap nate na suksiat kei uh leh nang tawh kong omkhawm nawn kei ding hi.

Thu-hilhkikna 28:25

“Topa in na galte uh mai-ah note hong lel sak ding hi; amaute do dingin lam khatah na kuan ding uh a, amau mai-ah lam sagih ah na taikeek ding uh hi; leitung kumpi gamte khempeuh muhna ah note in a cikzet-huai na hi ding uh hi.

Jeremiah 20:8

Bang hang hiam cih leh thu ka gen simin, “Ngongtatna leh kisiatna!” ci-in ka kiko den hi. Bang hang hiam cih leh Topa’ kammal ka genkhiatna hangin ni simin simmawhna leh zahpihna ka thuak lawh hi.

Jeremiah 15:13

Topa in, “Na gam sung teng-a na bawl uh mawhna khempeuhte hangin na neih na lam uh leh na sum na paiite uh man ngah loin na galte uh ka tuahsak mang ding hi.

Isaiah 10:14

Vasa bu-mek bangin mihingte’ hauhna ka la ziau hi; a kinusia vasa tuite mite in a lak bangin leitung khempeuh ka la khin hi; a kha a zap, a kam a ka, a ham khat beek om lo hi,” ci hi.

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

1 SAMUEL MASA 4:17

A thu hong puakpa in dawngin, “Filistia mite mai-ah Israelte tai uh a, mi tampi tak zong kithat hi; na tapa nihte, Hofni leh Finehas zong si uh a, Pasian’ thuciamna singkuang kiman khin hi,” a ci hi.

Siampi Laibu 26:14

“Ahih hangin note in ka thu ngai loin, hih thupiaknate khempeuh na hih kei uh a,

Gamlak-vakna 14:42

Na galte uh mai-ah note hong kisat puk kha ding ahih ciangin kuanto kei un, bang hang hiam cih leh note lakah Topa om lo hi.

Gamlak-vakna 14:43

Amalek mite leh Kanaan mite na mai uhah om ahih ciangin namsau tawh note na puk ding uh hi; Topa zuihna panin nungkik na hih uh ciangin note tawh Topa om lo ding hi,” a ci hi.

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.

Late 60:12

Pasian tawh khauh takin i hih ding hi; amah in i galte hong sikcipsak dingpa ahi hi.

Late 89:39

Na nasempa tawh na thuciamna na pelh khin a, leivui lakah ama kumpi lukhu na paihsak hi.

Late 89:43

Hi hi, ama galhiamte a mawkna na suak sak a, gal kidona-ah amah na guallel sak hi.