Late 44:1 - Tedim Bible

¹ Pasian aw, ka pu ka pate uh hun lai-a na hihna sate, amaute in kote tungah hong gen uh a, kote in ka bil uh tawh ka za khin uh hi.

Tedim Bible Revision 2017

¹ Pasian aw, ka pu ka pate uh a khan lai-a na hihna sate, amaute in kote tungah hong gen uh a, kote in ka bil uh tawh ka za khin uh hi.

Late 44:1 Referans Kwoze

Thukhente 6:13

Gideon in ama kiangah, “Kong thuum hi, sia aw, Topa in kote tawh hong om ahih leh, bang hangin hih nate khempeuh ko tungah hong tung ahi hiam? Ka pate un kote tungah hong genin ‘Topa in Izipt panin eite hong paipih to hilo ahi hiam?’ a cih uh a lamdang ama sepnate khempeuh koi-ah om ahi hiam? Ahih hangin tu-in Topa in kote hong paaikhia-in, Midiante’ khut sungah hong pia khin hi,” a ci hi.

Thu-hilhkikna 6:20

“Hong tung ding hunah na tapate un, ‘Topa Pasian in note hong thupiaksa tecipan’na leh thukhamte leh ngeina kipte in bang a cih nopna ahi hiam?’ ci-in hong dot ciangin,

Joel 1:3

Hih thu na tate uh kiangah gen un la, na tate un amau’ tate tungah na gensawn uh hen la, amaute in a khangsawnte tungah na gen uh hen.

Late 77:5

Hunluite ka ngaihsun a, sawt pek lai-a kumte ka phawk hi.

Late 42:1

Sakhi in luitui luang sialsial a lunggulh bangin, nang kong lunggulh hi, Pasian aw.

Isaiah 38:19

Tu ni-a keima bawl bangin, a hing mi, a hing mi bekin nang tungah lungdamna hong ko thei hi; pate in tate tungah nangma thumanna gen sawn uh hi.

Late 22:31

a suak nai lo mite tungah ama sepsa, hotkhiatna gen ding uh hi.

Late 71:18

Tua ahih ciangin Pasian aw, hong piang lai ding mite khempeuh tungah nangma hatna ka gen khit matengin, teek-a ka sam a kaan’ hun ciang dong nangawn-in kei hong nusia kei in.