Late 43:1 - Tedim Bible

¹ Pasian aw, ka dikna hong langsak in la, migilote tawh ka thu-ah hong panpih in; mi kheemte leh thutang lote kiang panin kei hong honkhia in!

Tedim Bible Revision 2017

¹ Pasian aw, ka dikna hong langsak inla, migilote tawh ka thu ah kei hong panpih in. Mi khemte le thutang lote kiang panin kei hong hon khia in.

Late 43:1 Referans Kwoze

Late 35:1

Topa aw, kei hong pangte langpang in la, kei hong dote do in!

Late 26:1

Topa aw, a hoih-in gamta-in, lungka loin Topa muang ka hih manin, ka thutan’na hong lak in.

Late 7:8

Topa in mite thukhen hi; Topa aw, ka thumanna leh ka sunga om keima dikna tawh kizui-in thu hong khen in.

Late 35:24

Topa ka Pasian aw, nangma thumanna tawh kituakin keima thutan’na hong langsak in la, amaute kei tungah lungdamsak kei in!

1 SAMUEL MASA 24:15

Tua ahih ciangin Topa in thukhen hong hi-in, kei leh nang kikalah thukhenna hong pia hen la, hih thu thei-in ka thu-ah hong pang hen la, na khutsung panin kei hong honkhia hen,” a ci hi.

Late 71:4

Ka Pasian aw, migilote khutsung pan leh, thuman lote leh migilote’ matna panin keimah hong hon in.

Late 5:6

Zuauthu a gen mite na susia hi; Topa in, mi thah nopna lungsim leh mi kheem nopna lungsim neite mudah hi.

Micah 7:9

Amah in ka thu hong sun’sakin, kei adingin thu hong khensak mateng Topa’ hehna ka thuak ding hi; bang hang hiam cih leh ama’ tungah ka mawh khin zo hi. Amah in khuavak ah hong paipih ding a, ama’ hotkhiatna ka mu ding hi.

1 PETER MASA 2:23

Kosiatna a thuak lai takin a kosia kik kei hi, gimna a thuak lai takin lau nadingin tawngkik loin, thuman a khenpa’ khut sungah ama pumpi a pia hi.

1 KORIN MASA 4:4

Bang hang hiam na cih uh leh, mawhsak nadingin ka pumpi tungah bangmah ka mu kei hi. Ahi zongin tua thu hangin kei in thukhenna tawh kipelh mi ka hi kei hi. Kei thu hong khen mi in Topa ahi hi.

Paunak 23:11

Amaute a Hupa in a tha hat a, nang’ lang khatah amaute pan’pih ding hi.

Paunak 22:23

Bang hang hiam cih leh Topa in amaute pan’pih ding a, amau a bawlsiate tungah phu laksak ding hi.

Late 75:7

ahih hangin mihing khat a sangsak, mihing khat a niamsak, thu a khenpa in Pasian ahi hi.

2 SAMUEL NIHNA 16:20

Tua ciangin Absalom in Ahithofel kiangah, “Na ngaihsutna hong pia in; bang hih ding i hi hiam?” a ci hi.

2 SAMUEL NIHNA 15:31

Tua ciangin David kiangah, “Ahithofel zong mi sawmsimte lakah Absalom tawh om hi,” ci-in kigen hi. Tua ciangin David in, “Topa aw, kong thum hi, Ahithofel’ thugente haina-in na heisak in,” a ci hi.

2 SAMUEL NIHNA 18:8

Tua gam maitang tung khempeuhah gal kikapna om kim hi; tua ni-in namsau’ thah sangin thudang hangin tulak-a si mi tamzaw hi.

Late 7:7

Mite nangma kim-ah kikhawmsak in la, amau tung a san’na munah tu in.

Late 7:9

Lungsim leh ngaihsutna a en a thuman Pasian aw, migilote’ siatna beisak in la, mi thumante kipsak in.

Late 54:3

Bang hang hiam cih leh mi kiphasakte in kei hong lang pang a, mi helhhawtte in thah dingin hong zong uh hi; amaute in Pasian thudon lo uh hi.

Late 140:5

Mi kiphasakte in kei hong siahna-in tehlop koihsim uh a, amaute in khau tawh ngenthang zak uh a, lam gei-ah thangzak tawh kei hong siah uh hi.