Late 42:6 - Tedim Bible

⁶ Ka lungsim tamkham hi; tua ahih manin Jordan leh Hermon gam, Mizar mual tung panin nang kong phawk hi.

Tedim Bible Revision 2017

⁶ Ka lungsim tamkham ahih manin Jordan le Hermon gam, Mizar mual tung panin nang ka hong phawk hi.

Late 42:6 Referans Kwoze

Late 61:2

ka lungsim a neu ciangin, leimong panin nang kong sam hi. Kei sanga a sangzaw suangpi tungah nangmah in hong paipih in;

Jonah 2:7

Kei ka lung a kiat ciangin, Topa ka phawk a; ka thungetna, na biakinn siangtho sung, nangma kiang hong tung hi.

Late 43:4

Tua ciangin Pasian biakna tau ahi zongin, ka lungdamna Pasian kiangah ahi zongin ka pia dinga, laiza khausai lasakna tawh nang kong phat ding hi, aw Pasian, ka Pasian aw.

Late 22:1

Ka Pasian, ka Pasian aw, bang hangin kei hong nusia na hi hiam? Keimah nong huh nading kong thumna panin bang hangin gamla om na hi hiam?

2 SAMUEL NIHNA 17:22

Tua ciangin David leh amah tawh a om mi khempeuh ding uh a, amaute in Jordan kantan uh hi; khuavak ciangin Jordan a kantan nai lo khat beek om nawn lo uh hi.

Mattiu 27:46

Nai thum lai takin Zeisu in, “Eloi, Eloi, lama sabakthani,” ci-in nakpi-in a kiko hi. A khiatna in, “Ka Pasian, ka Pasian aw, bang dingin kei hong paisan na hi hiam?” a cihnopna hi.

Mattiu 26:39

Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Late 133:3

Tua in, Zion mualte tunga a kia Hermon mual pan-a daitui tawh kibang hi. Bang hang hiam cih leh Topa in nuntak tawntungna thupha tua mun-ah a pia hi.

2 SAMUEL NIHNA 17:27

Mahanaim-ah David a tun’ ciangin, Ammon mite’ gam Rabbah panin Nahash’ tapa Shobi, leh Lodebar panin Ammiel’ tapa Makhir, leh Rogelim panin Gilead mi Barzillai,

Late 43:5

Bang hangin khakunkun ka hi hiam, bang hangin lunghimawh ka hi hiam? Pasian sungah lametna nei ning; bang hang hiam cih leh kei hong huhpa ka Pasian ka phatkik na ding hi.