Late 42:5 - Tedim Bible

⁵ Bang hangin khakunkun ka hi hiam, bang hangin lunghimawh ka hi hiam? Pasian’ sungah lametna nei ning; bang hang hiam cih leh kei hong huhpa ka Pasian ka phat kik na ding hi.

Tedim Bible Revision 2017

⁵ Bang hangin kha kunkun a, lunghimawh niloh ka hi hiam? Pasianʼ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Late 42:5 Referans Kwoze

Late 37:7

Topa mai-ah khawl dide in la, lungduai-in ngak in; a hihna a daupai-pa tung leh siatna a bawlpa tungah nangmah kilungso tawmsak kei in!

Late 61:2

ka lungsim a neu ciangin, leimong panin nang kong sam hi. Kei sanga a sangzaw suangpi tungah nangmah in hong paipih in;

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Late 56:3

Kei ka lau ciangin nangmah ka hong muang hi.

Late 43:5

Bang hangin khakunkun ka hi hiam, bang hangin lunghimawh ka hi hiam? Pasian sungah lametna nei ning; bang hang hiam cih leh kei hong huhpa ka Pasian ka phatkik na ding hi.

Late 42:11

Bang hangin khakunkun ka hi hiam, bang hangin lunghimawh ka hi hiam? Pasian’ sungah lametna nei ning; bang hang hiam cih leh kei hong huhpa ka Pasian ka phatkik na ding hi.

1 SAMUEL MASA 30:6

David nakpi takin lungkham hi; bang hang hiam cih leh mi khempeuh a tanute a tapate uh hangin a lungsim uh na lua ahih manin suang tawh amah den’ ding gen uh hi. Ahih hangin David in amahmah Topa a Pasian sungah kithakhauhsak hi.

Gamlak-vakna 6:26

Topa in note tungah ama maipha hong pia hen la, note nopsakna hong pia ta hen, ci-in thupha pia uh hen.

JOB (Job) 13:15

Pasian in kei hong that mah taleh zong, ke’n phamawh ka sa kei hi. Ahi zongin ama mai-ah ka thu ka gen veve ding hi.

Late 71:14

Ahih hangin ke’n nang kong lamen-en dinga, nangmah kong phat semsem lai ding hi.

Late 56:11

lunghihmawhna khat zong nei loin Pasian ka muang hi. Mi in kei bang hong cih thei ding ahi hiam?

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.

Late 77:3

Keimah in Pasian ka ngaihsun a, ka tau hi; lung ka geelgeel a, ka gim mahmah hi.

Late 44:3

bang hang hiam cih leh amaute in amau namsau tawh leitang ngah lo uh a, amau khut in amaute gualzawhna pia lo hi; na khut taklam leh na baan, na hehpihna maipha hizaw hi; bang hang hiam cih leh amau sungah nang na lungkim hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Late 35:14

ka lawm, ka sanggampa’ hanga dah bangin ka dah hi; a nu’ hanga kap mi bangin kapin ka vak kawikawi a, kunin ka kidikdik hi.

Mattiu 26:38

Tua ciangin Zeisu in, “Si dek takin ka dah hi. Hih san takah kei tawh ngak un,” ci-in thu a pia hi.

Late 38:6

hong kikunsak, hong kibokcip sak hi; sunthapai-in kapin ka vak kawikawi hi.

Isaiah 30:29

Ahi zongin no Pasian’ mite in ahih leh, biakna pawi a kikham ni zan a, bangin la na sa ding uh hi; Israelte’ Suangpi, Topa’ mual-ah a pai dingin tamngai aw gin’na zui-in a kuankhiate bangin na lungdam ding uh hi.