Late 41:3 - Tedim Bible

³ ci na-a a lupna tungah Topa in amah na kem a, a ci nat ciangin ama gitlohna khempeuh na damsak hi.

Tedim Bible Revision 2017

³ A ci uh a nat ciangin Topa in amaute kem dinga, a cinatna khempeuh uh damsakkik ding hi.

Late 41:3 Referans Kwoze

Late 73:26

Ka lungsim leh ka pumpi zawngkhal kha ding a, ahih hangin Pasian in ka lungsim hatna leh keima aa hi tawntung ding hi.

2 KUMPI NIHNATE 1:16

tua ciangin ama kiangah, “Topa in hih bangin ci hi, “Bang hang hiam cih leh nangmah in Ekron pasian, Baalzebub kiangah thu dong dingin kamtaite na sawl khin hi, thu dot ding Israel sungah Pasian om nawn lo ahi hiam?Tua ahih ciangin tu-a na lupna panin nang na thokik nawn kei ding hi; nang na si taktak ding hi,’ ci hi,” a ci hi.

2 KUMPI NIHNATE 1:6

Tua ciangin amaute in ama kiangah, “Kote dawn dingin mi khat hong pai a, kote kiangah, ‘Note hong sawl kumpipa kiangah paikik un la, ama kiangah, Topa in hih bangin ci hi: Ekron pasian, Baalzebub kiangah thu a dong dingin na sawl nadingin Israel sungah Pasian om nawn lo ahi hiam? Tua ahih ciangin tu-a na lupna panin na thokik nawn kei ding hi; na si taktak ding hi,’ ci hi,” a ci uh hi.

Thu-hilhkikna 6:24

Tu hun-a bangin i nuntak theih nadingin amah in eite’ hoih tawntung nading deihna ah Topa i Pasian zahtakin hih thukhamte khempeuh i zuih ding Topa in thu hong pia hi.