Late 41:2 - Tedim Bible

² Topa in amah hu-in hingsak hi; leitungah amah thupha ngah mipa kici hi; ama galte’ deihna-ah amah na piakhia kei hi.

Tedim Bible Revision 2017

² Topa in amaute hu-in hingsak dinga, leitungah amaute thupha ngah mi kici ding hi. Amauʼ galteʼ khut sungah amaute pia lo ding hi.

Late 41:2 Referans Kwoze

Late 27:12

Ka langte’ deihna bangin kei hong nusia kei in; bang hang hiam cih leh teci man lote ka langah pang khin a, amaute in ngongtatna hu sangkhia uh hi.

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

Late 37:22

Bang hang hiam cih leh Topa’ thupha piakte in leitang luah dinga, ahih hangin ama samsiatte kipuaseh ding hi.

Thu-hilhkikna 14:29

Topa na Pasian un na sepnate khempeuh uhah thupha hong piak theih nadingin, note tawh kibangin amaute in tanh ahi a, luah ahi zongin nei loh uh ahih manin Levi mite’ peemta, pa nei lo, leh meigong numei ahi note’ khua sunga omte hong pai-in ne-in a gilvah ding uh hi.

Ruth 2:19

Tua ciangin a teeknu in ama kiangah, “Tu ni-in koi-ah tawm na hi hiam? Koi-ah na sem na hi hiam? Nang hong phawk mipa in thupha ngah ta hen,” a ci hi. Tua ahih ciangin amah in a teeknu kiangah a naseppihte gen a, “Tu ni-a ka nasepna mipa in Boaz ahi hi,” a ci hi.

Paunak 11:17

Migi lecin nang adingin ahoih bawl na hi a, gilo lecin nangmahmah a kigimsak na hi bek hi.

Paunak 14:21

Mizawngte a simmawhte a khial hi a, mizawngte’ tungah a cinghte thupha ngah ahi hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Paunak 31:20

A zawng mite tungah amah cingh a, a cimawh mite tungah huhna pia hi.

Jeremiah 39:17

Ahih hangin Topa in kong cih-inah, tua ni ciangin nang kong honkhia ding a, na kihtak mite’ khut sungah hong kipia kei ding hi.