Late 4:6 - Tedim Bible

⁶ Mi tampi in, "Thupha ngah thei leeng ut si hang. Ko tungah na maitang vang hong taangsak in, Topa!" ci uh hi.

Tedim Bible Revision 2017

⁶ Mi tampi in, “Thupha tampi hong pia in. Ko tungah na maitang vang hong taangsak in, Topa!” ci uh hi.

Late 4:6 Referans Kwoze

Late 80:19

Ka ngei uh hong bangsak kik in, mihonpite’ Topa Pasian! Kote hong kihotkhiat theih nadingin na maitang hong taang sak in!

Gamlak-vakna 6:26

Topa in note tungah ama maipha hong pia hen la, note nopsakna hong pia ta hen, ci-in thupha pia uh hen.

Late 119:135

Na nasempa tungah na maitang hong taangsak in la, na ngeina kipte kei hong hilh in.

Late 80:7

Ka ngei uh hong bangsak kik in, mihonpite’ Pasian aw; kote a hong kihotkhiat theih nadingin na maitang hong taang sak in!

Late 89:15

Topa aw, lungdam-a lasakna tawh nang hong bia a, na migitna khuavak sungah a nungta, nangma hangin sun thapai-in lungdam a, nangma hoihna hong phat mi in mi nuamsa ahi hi.

Late 67:1

Pasian in eite hong hehpihin thupha hong pia hen la, eite tungah ama mai hong taangsak hen,

Luka 16:19

“Nidang lai-inah sumhaupa khat a om hi. Tua pa in puansan leh saihadial puan silhin ni simin nuamin an pha bel ne-in a om hi.

Late 44:3

bang hang hiam cih leh amaute in amau namsau tawh leitang ngah lo uh a, amau khut in amaute gualzawhna pia lo hi; na khut taklam leh na baan, na hehpihna maipha hizaw hi; bang hang hiam cih leh amau sungah nang na lungkim hi.

Late 39:6

Ni liim bangin mihing pai kawikawi takpi hi. A mawkna-in amau lungkham takpi uh a, kua in ngah ding cih thei lopi-in mite in nate khol hi.

Late 21:6

Hi hi, nangmah in a tawntungin thupha ngah pen dingin amah na bawl a, nangma ompihna lungdamna tawh amah na kipaksak hi.

Jeim 4:13

“Tu-ni ahi zongin, zingciang ahi zongin hih bang khuapi sungah pai-in kum khat tawntung omin sumbawlin, a meet ngah nading ka bawl ding uh hi,” a ci mite aw, ngai un.

Luka 12:19

Ka kha kiangah, ‘Kha aw, kum tampi zat ding na tampi a kikhol zo hi. Khawl in la, anne tuidawn, nuamsa-in om in, ka ci ding hi,’ a ci hi.

Isaiah 55:2

An ahi lo nate’ adingin bang hangin na sum uh zang a, hong gilvah sak thei lo nate adingin bang hangin na sem na hi uh hiam? Keima thu lim takin ngai-in, a hoih nate ne un la, an limte ah nuamsa-in om un.

Late 42:5

Bang hangin khakunkun ka hi hiam, bang hangin lunghimawh ka hi hiam? Pasian’ sungah lametna nei ning; bang hang hiam cih leh kei hong huhpa ka Pasian ka phat kik na ding hi.

Thu-hilhkikna 33:19

Amaute in a mual uhah mite sam ding uh a, amaute in tua lai-ah biak piakna mante pia ding uh hi; bang hang hiam cih leh amaute in tuipi tamna, leh sehnel sunga na manpha kiseelte ngah uh hi,” a ci hi.

Malakhi 3:3

A ninte kangtumsakin, ngunte a siangsakpa bangin thukhen dingin hong pai ding hi. Ngun leh khamte a kisian’sak bangin amah in Levi’ suan-le-khak ahi siampite siangsak ding hi. Tua ciangin Topa tungah a kilawm biakna pia ding uh hi.