Late 4:3 - Tedim Bible

³ Ahih hangin Topa in miphate ama adingin a koihtuam lam thei ta un; ke’n ka sap ciangin Topa in hong za hi.

Tedim Bible Revision 2017

³ Ahih hangin Topa in ama adingin miphate a tuam koih lam thei ta un. Keʼn ka sap ciangin Topa in hong za hi.

Late 4:3 Referans Kwoze

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Late 34:15

Topa' mit in thumante’ lam en a, a bil in amau kikona lam nga hi.

2 PETER NIHNA 2:9

Tua ahih ciangin Topa in Pasian a biate ze-etna sung pan gumkhia ding ahi zongin,

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

Paikhiatna 33:16

Bang hang hiam cih leh keimah leh nangma' mite, keimah in nangma' muhna-ah maipha ka ngahna bang ci-in kithei ding ahi hiam? Leitung maitang tunga om mite khempeuh panin keimah leh nangma' mite, kote ka tungnun’na uh in kote tawh nang nong paikhopna hilo ahi hiam?” a ci hi.

Late 6:8

Siatna bawlte khempeuh aw, ka kiang panin kihemkhia un; bang hang hiam cih leh Topa in ka kahna aw a za zo hi.

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Late 50:5

“Kei tawh biak piakna-in thuciamna a bawlte, ka micitakte ka kiangah hong khawm un!”

Late 31:23

Topa it un, ama misiangtho khempeuh aw! Thumante Pasian in kem a, ahih hangin a kiphatsak gamtatte nakpi takin thuk hi.

Late 56:9

Tua ciangin, keimah in ka koh ni peuh ciangin ka galte nungkik ding hi. Pasian pen keima aa ahihna thu ka thei hi.

Late 49:3

Ka kam in pilna thu gen ding hi; ka lungsim’ ngaihsutna in thutelna hi ding hi.

Late 62:10

Zawhthawh thu tawh lakna muan’in, nei kei in la, suhgawpnate lamet-in nei kei in; na hauhna a khan’ leh, tuate muan’ in nei kei in.