Late 4:2 - Tedim Bible

² Mite aw, ka minphatna in bang tanvei daina thuak ding ahi hiam? Bang tanvei thu mawkna deih-in, zuauthu zong ding na hi uh hiam?

Tedim Bible Revision 2017

² Mite aw, ka minphatna in bang tanvei daina thuak ding ahi hiam? Bang tanvei thumawkna deihin zuau thu zong ding na hi uh hiam?

Late 4:2 Referans Kwoze

Paunak 1:22

”Mihaite aw, bangtanvei hai omom nuam lai na hi uh hiam? Bangtanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Hosea 4:7

Siampi tam semsem leh kei tungah a khialhna uh tam semsem hi. Amau’ minthan’na mindaina ka suaksak ding hi.

Late 3:3

Ahih hangin, Topa aw, nangmah in ka kidalna lum, ka minthan’na leh ka lu hong phongpa na hi hi.

Jeremiah 2:11

Gam khat in pasian ahi taktak beek lo a pasiante uh nangawn a khek ngei peuhmah uh hiam? Ahih hangin ka mite in a minthan’na uh ahi, keimah pen bangmah-a kimang lo na peuh tawh hong khek tazen uh hi.

Late 106:20

Amaute in Pasian’ minthan’na pen, lopa a ne bawngtal lim tawh kheekna uh hi.

Late 5:6

Zuauthu a gen mite na susia hi; Topa in, mi thah nopna lungsim leh mi kheem nopna lungsim neite mudah hi.

Efesa 4:25

Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.

Thuhilh-sia 8:11

A mawhte kidaantat pahpah lo ahih manin, mihingte in khialh ding haksa sa lo uh hi.

1 SAMUEL MASA 12:21

meetna hong pia thei lote ahi a, hong hon thei lo a mawkna nate lamah ahi zongin pial kei un; bang hang hiam cih leh tuate in a mawkna ahi hi.

Jonah 2:8

Kiman’na nei lo milim a biate in nangmah hong tai san uh hi.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.

Isaiah 59:4

Kuamah in thutang tawh thu na nei kei uh a, thuman tak tawh kuamah thukhen zumah na pai kei uh hi; note in bangmah lopi suan’in nei-in zuau thu na gen uh a, siat nading thu ngaihsunin, gitlohna na piangsak uh hi.

Isaiah 45:17

Ahih hangin Israel pen Topa in tawntung hotkhiatna tawh honkhia hi; nang in cikmah hunin maizumna na thuak kei ding hi.

Isaiah 20:5

Tua ciangin amau’ muan Ethiopia leh amau’ kisialhpih Izipt’ hangin amaute lungkia-in a maizum ding uh thei lo ding uh hi.

Late 63:11

Ahih hangin Pasian sungah kumpipa lungdam ding hi; amah tawh thuciam khempeuhte zong minthang ding hi; bang hang hiam cih leh zuauthu gente kamte kihubing ding hi.

Late 58:3

Migilote, a khan’ tawntungin khial uh hi, a suah tung mah-un lam khial pah uh a, zuauthu gen uh hi.

Late 58:1

No gam ukte aw, a manin thu na khen uh hiam? Note in mi khempeuh thu a tangin na khen uh hiam?

Late 57:4

Mihing tate, huaihamna tawh a netum humpinelkaite laizang ah ka om hithiat hi; amau hate in teipi leh thaltangte hi a, amau leite in namsau hiamte ahi hi.

Late 31:6

Mawkna milim a thupi ngaihsutte na mudah hi; ahih hangin ke’n Topa ka muang hi.

Late 14:6

Mizawng mi’ geelna na siasak nuam a, ahih hangin Topa in ama belh ahi hi.

Late 2:1

Bang thu hangin minamte in siat nading ah kithukhat sim a, mite in a mawk nading sawmsim uh hiam?

Thuhilh-sia 9:3

Mi khempeuh’ thumong kibang kim a, hih thu in leitunga thupiang lakah a man het lo khat ahi hi. Mihingte a nuntak lai teng, gitlohna leh a mawkna thu tawh a lungsim uh kidim a, theih kholh lohin mihingte si pak uh hi.

Late 72:2

Amah in thumanna tawh na mite tungah thu khen hen la, na mizawngte’ tungah thutan’na tawh thu khen ta hen.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi hiam? Amaute lakah ka hihsa limte khempeuh om napi-in, amaute in bang tanvei kei hong um lo ding ahi hiam?

Paikhiatna 10:3

Tua ahih ciangin Faro' kiangah Moses leh Aaron pai uh a ama' kiangah, “Hebru mite’ Pasian, Topa in hih bangin ci hi, ‘Ka mai-ah nang na kiniamkhiat nading bang tan vei nial ding na hi hiam? Amaute in keima' na hong sep theih nadingin ka mite paisak in.

1 KORIN MASA 1:31

Tua ahih ciangin Lai Siangtho sungah a kigelh mah bangin, “A kisatheite in Pasian hangah kisathei ta hen,” a ci hi.

Jeremiah 2:5

Topa in hih bangin ci hi: “Na pute na pate un kei kiang panin gamlapi paikhia-in, bangmah-a kimang lo milim peuh bia-in, amau mahmah zong bang mah-a kimang lo a suah khit nadingun kei’ tungah bang mawhna mu uh ahi hiam?

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Sawltak 24:9

Judah mite in zong, “Hih thu ahi takpi hi,” ci-in a mawhsak uh hi.