Late 4:1 - Tedim Bible

¹ Kong sap ciangin hong dawng in, a thuman ka Pasian! Gimna ka thuak ciangin nopsakna nong pia hi. Kei hong hehpih in la ka thungetna hong za in.

Tedim Bible Revision 2017

¹ A thuman ka Pasian aw, ka hong sap ciangin hong dawng in. Gimna ka thuak ciangin nopsakna nong pia hi. Kei hong hehpih inla, ka thungetna hong za in.

Late 4:1 Referans Kwoze

2 KORIN NIHNA 1:10

Tua Pasian in tua zah-a lian sihna sung pan hong gumkhia a, hong gumkhia lai ding hi.

Late 119:132

Nangmah hong itte tungah na hih ngei bangin kei lamah hong kihei in la, hong hehpih in.

Late 25:16

Keima lamah nang hong kihei in la hong hehpih in; bang hang hiam cih leh kei guak hi-in gimna ka thuak hi.

Jeremiah 23:6

Ama’ hun hong tun ciangin Judah mite a kihonkhia ding a, Israel mite lungmuang takin a teeng ding uh hi. Amah a kilawh nadingin a min, Topa IN EITE’ DIKTATNA AHI HI, ci-in a kiphuak ding hi.

Late 17:6

Pasian aw, hong dawng ding na hih manin nang kong sam hi; na bil hong ngat in la ka thu hong za in.

Habakkuk 3:19

Topa Pasian in keima thahatna ahi hi; sakhi khe bangin ka khe hong zaptelsak a, mun sangna ah, lungmuang takin hong paisak hi. (Bang hang hiam cih leh amah in khausai lasakna vante tawh tum theihte hong makaihpa ahi hi).

Isaiah 45:24

“Topa’ hang bekin dikna leh thahatna kingah hi, hong kici ding hi; kei hong mudahte khempeuh mindai-in maizum ding uh hi.

Late 143:2

Na nasempa, thu hong sit kei in; bang hang hiam cih leh nangma mai-ah mihing a dik kuamah om lo hi.

Late 57:1

Pasian aw, nangmah hong bel ka hih manin kei hong hehpih in, kei hong hehpih in; siatna huihpi a ven’ mateng na kha limah kong bu ding hi.

Late 45:1

Thubul hoih khat tawh keima lungsim hong dimlet-in, ka late kumpipa tungah ka sak a, ka leii in lai theipa’ laikung tawh kibang hi.

Late 22:1

Ka Pasian, ka Pasian aw, bang hangin kei hong nusia na hi hiam? Keimah nong huh nading kong thumna panin bang hangin gamla om na hi hiam?

1 SAMUEL MASA 17:37

Tua ciangin David in, “Humpinelkai khecin leh vom khecin panin kei hong honkhia Topa in hih Filistiapa khut sung panin kei hong honkhia ding hi,” ci thuah lai hi. Tua ciangin Saul in David kiangah, “Pai in, Topa in nang hong ompih ta hen!” a ci hi.

2 KORIN NIHNA 1:8

Ute naute aw, Asia gamah kote in ka thuak uh gimna ahi nuntakna nangawn ka suakta zo kei ding uh hi ci-in um a, thuak zawh loh ding dongin a gik mahmah gimna ka thuak thu uh thei loin na om ding uh ka deih kei uh hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Late 76:1

Judah gam sungah Pasian kithei a, Israel gam sungah ama min lian hi.

Late 67:1

Pasian in eite hong hehpihin thupha hong pia hen la, eite tungah ama mai hong taangsak hen,

Late 42:1

Sakhi in luitui luang sialsial a lunggulh bangin, nang kong lunggulh hi, Pasian aw.

Late 31:8

galte khut sungah kei nong pia kei hi; mun tanzau-ah ka khe na dingsak hi.

Late 24:5

Amah in Topa tung panin thupha ngah ding a, amah a honkhia Pasian kiang panin diksakna ngah ding hi.

Late 11:7

Bang hang hiam cih leh Topa dik a, dik gamtatna deih hi; thutang mi in ama mai mu ding hi.

Late 116:16

Topa aw, keimah in nangma nasem ka hi hi; nangma nasem ka hi a, na nasem nu’ ta ka hi hi. Keimah hong kikhihnate nong sutkhiatsak zo hi.

Late 116:6

Topa in thu thei lo mi hong kem a, kei hong kiniam koih ciangin amah in hong huh hi.

Late 56:1

Pasian aw, mite in kei hong tuancil ahih manin kei hong hehpih in; sunthapai in galte in kei hong sucip hi;

Late 41:12

Ahih hangin keima kicin’na hangin nong huh a, nangma omna-ah kei nong koih den hi.

Late 6:1

Topa aw, na heh laitak hong tai kei in la, lungso sa-in hong thuhilh kei in.

JOB (Job) 36:16

Pasian in lungkhamna panin nang hong pai khiatpihin, lungnuam takin nang hong om sak a, na sabuai tungah anlim nono kilui venvan hi.