Late 39:7 - Tedim Bible

⁷ “Tu-in Topa aw, ke’n bang ngak lai ka hi hiam? Ka lametna nang sungah om hi.

Tedim Bible Revision 2017

⁷ Tu-in Topa aw, keʼn, bang ngak lai ding ka hi hiam? Keima lametna nangma sung bekah om hi.

Late 39:7 Referans Kwoze

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

Late 38:15

Ahih hangin, Topa aw, nangmah kong ngak hi; Topa ka Pasian aw, hong dawng dingpa nangmah na hi hi.

Late 119:81

Nong hotkhiat ding ka ngakngakna-in ka tha bei ta hi; nangma thu muangin ka lamen hi.

Late 119:166

Topa aw, nangma hong hotkhiat ding ka ngak a, nangma thupiaknate ka sem hi.

Piancilna 49:18

Na hotkhiatna ka ngak hi, Topa aw.

JOB (Job) 13:15

Pasian in kei hong that mah taleh zong, ke’n phamawh ka sa kei hi. Ahi zongin ama mai-ah ka thu ka gen veve ding hi.

Luka 2:25

Tua lai takin Simeon kici mi khat Jerusalem khuapi ah a om hi. Tua pa dik a, Pasian zahtak a, Israel mipawlte’ nopsak nading a lamen hi. Kha Siangtho in ama tungah a om hi.

JOB (Job) 14:2

Amaute pakpalh bangin khangin keu pak uh a, niliim bangin pai hanhanin mangthang uh hi.

Late 49:11

Amaute in leitangte amau min a puaksak hangun, hante pen khang tawntunga amau omna, amau inn hi ngitnget hi.

Thuhilh-sia 2:21

Pilna, siamna, theihna siit loin na kisem a, themkhat zong a gimpih het lo mi khat’ adingin nusiat ding hi zenzen hi. Hih thu in a man het lo, a mawknapi taktak ahi hi.

Thuhilh-sia 4:8

Mi khat in a tapa ahi a, sanggam ahi zongin nei lo napi-in, a tawntungin nasemin a neihsa tawh lungkim hun nei thei lo hi. Kua adingin gimpi-in na sem a, a ut utin ta hoh lo ahi hiam? Hih in zong a mawknapi mah, a dahhuai nuntakna khat ahi hi.