Late 39:13 - Tedim Bible

¹³ Ka man’than’ hun matengin ka lungnop theih nadingin kei hong en kei in!”

Tedim Bible Revision 2017

¹³ Ka manthan hun matengin ka lungnop theih nadingin kei hong en in!

Late 39:13 Referans Kwoze

JOB (Job) 7:19

Tom kha sung beek hong pelh lo ding a, ka hu beek hong sang sak man lo ding na hi hiam?

Piancilna 42:36

A pa uh Jakob in amaute' kiangah, “Ka tate tawh kei nong kikhensak zo uh hi: Josef om nawn lo, Simeon om nawn lo, tu-in note in Benjamin na la ding uh hi; hihte khempeuh kei tungah hong tung khin hi,” ci hi.

Piancilna 5:24

Enok in Pasian tawh lam paikhawm hi; Enok kimu nawn lo hi, bang hang hiam cih leh Pasian in amah la hi.

Piancilna 47:9

Jakob in Faro' kiangah, “Tawl khat ka khualzin hun in kum za leh kum sawmthum ahi hi; ka nuntak hun tomin siatna bek om a, ka pate tawl khat a om sung uh a nuntakna hunte ban nai lo hi,” ci hi.

Siampi Laibu 25:23

Leitang in keima’ aa ahih manin neih suak dingin leitang kizuak lo ding hi; bang hang hiam cih leh note in kei tawh a omkhawm mikhual leh peemtate na hi uh hi.

2 KUMPI NIHNATE 20:3

“Nangma mai-ah thuman tak leh lungsim khempeuh tawh ka gamtatna, leh nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin kap hi.

1 KHANG TANGTHU MASATE 29:15

Bang hang hiam cih leh ka pu ka pate khempeuh uh mah bangin kote in nangma mai-ah mikhualte leh peemtate ka hi uh hi; ka hunte uh leitungah nilim bang hi a, a kip om lo hi.

Late 18:7

Ama hehna hangin leitung kipumpei in, kiveei a, mual bulpite zong lingin kising damdam hi.

Late 119:19

Keimah in leitungah peemta ka hi hi; kei kiang panin na thupiaknate seel kei in!