Late 39:12 - Tedim Bible

¹² “Topa aw, ka thungetna hong ngai in la, ka kikona hong za in; ka khitui luan’na hong don loin om mawk kei in; Bang hang hiam cih leh ka pu ka pate khempeuh bangin keimah in na zin, na peemta ka hi hi.

Tedim Bible Revision 2017

¹² Topa aw, ka thungetna hong ngai inla, ka kikona hong za in. Ka khitui luanna hong thudon in. Bang hang hiam cih leh ka pu ka pate khempeuh bangin kei zong na zin, na peemta ka hi hi.

Late 39:12 Referans Kwoze

1 PETER MASA 2:11

Ka itte aw, kha tawh a kido thei pumpi tawh kipawl deihgawhnate khempeuh na tan’ nadingun, khualzinte, mi peemte bang ahi note ka hong thuum hi.

Hebru 11:13

Tua a kigensa mi khempeuhte in thuciamna tawh kipawl noptuamna ngah kha loin, gamlapi pan galet-in hopihin, amaute leitungah gamdang mi zinte ahih man-unah upna sungah a si uh hi.

Late 119:19

Keimah in leitungah peemta ka hi hi; kei kiang panin na thupiaknate seel kei in!

Siampi Laibu 25:23

Leitang in keima’ aa ahih manin neih suak dingin leitang kizuak lo ding hi; bang hang hiam cih leh note in kei tawh a omkhawm mikhual leh peemtate na hi uh hi.

Piancilna 47:9

Jakob in Faro' kiangah, “Tawl khat ka khualzin hun in kum za leh kum sawmthum ahi hi; ka nuntak hun tomin siatna bek om a, ka pate tawl khat a om sung uh a nuntakna hunte ban nai lo hi,” ci hi.

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

Late 56:8

Ka sin liin’nate nangmah in na ciamteh khin hi; ka khituite na thawl sungah thun in! Tuate na laibu sungah om lo ahi hiam?

1 KHANG TANGTHU MASATE 29:15

Bang hang hiam cih leh ka pu ka pate khempeuh uh mah bangin kote in nangma mai-ah mikhualte leh peemtate ka hi uh hi; ka hunte uh leitungah nilim bang hi a, a kip om lo hi.

2 KUMPI NIHNATE 20:5

“Kileh kik in la, keima mite’ makai Hezekiah kiangah hih bangin gen in. Na pa David’ Pasian, Topa in hih bangin ci hi: Na thungetna ka za khin a, na khituite ka mu khin hi; en in, nang kong damsak ding a; ni thum ni-in Topa’ innah na paito ding hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Late 116:3

Sihna khau in kei hong gakcip hi; Leinuai sihna in kei hong mancip a, natna leh lungkhamna ka thuak hi.

JOB (Job) 16:20

Keima tang-a sempa in ka lawmpa ahi hi, Pasian in ka khitui luan’na bangin ka thungetna hong za leh ka ut hi.

2 SAMUEL NIHNA 16:12

Topa in ka thuakna hong en-in, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

2 KORIN NIHNA 5:6

Tua ahih ciangin pumpi-ah ka om lai tengun Pasian tawh ka kigamla uh hi cih thei-in lau loin ka om uh hi.

Late 102:1

Topa aw, ka thungetna hong za in la, ka hong thuumna hong ngai in.

Late 119:54

Hih leitung ka omna peuh ah, nangma ngeina kipte, la phuak-in ka sa sa hi.

Piancilna 21:34

Filistia mite’ leitangah Abraham, sau veipi sung peemta-in om hi.

JOB (Job) 13:28

Tua huhau-in singmuat bangin ka puk a, nget in a nek puan bangin ka zangawp hi.

Late 90:9

Bang hang hiam cih leh ka hun khempeuh uh na hehna-in bei a, ka kumte uh husan’ khat bangin a bei hi.