Late 38:1 - Tedim Bible

¹ Topa aw, na hehna tawh hong tai kei in la, lungso sa-in hong thuhilh kei in!

Tedim Bible Revision 2017

¹ Topa aw, a hehsa-in kei hong taii kei inla, lung so sa in kei hong thuhilh kei in.

Late 38:1 Referans Kwoze

Late 6:1

Topa aw, na heh laitak hong tai kei in la, lungso sa-in hong thuhilh kei in.

Isaiah 54:8

Heh luatna hangin tomno sung nang kiang panin ka maitang ka seel a, ahih hangin tawntung itna tawh nang tungah hehpihna kong nei kik ding hi, nangmah hong Tankhia Topa in ci hi.

Jeremiah 30:11

Bang hang hiam cih leh Topa in kong cih-inah, a hong honkhia dingin note kong ompih hi. Note kong theh thangna gamte khempeuh ka susia khin ding a, ahih hangin note kong susia kei ding hi. A kilawm zahin kong thuhilh ding a, daantat loin kong mawk nusiat kei ding hi.

Late 70:1

Pasian aw, keimah hong honkhia nuam in! Topa aw, keimah huh dingin hong manlang in!

Jeremiah 10:24

Topa aw, a hoih bek tak-in, heh loin kei hong hilh in; hong heh lecin kei ka si ding hi.

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, ko’ hunin zong hong hih kik in. Na heh hun ciang nangawnin zong, hehpihna lungsim hong nei in.

Isaiah 27:8

A kithukkim dingin amah in amaute sal suahsakna tawh daan pia hi; nisuahna huihpi a nun’ ni-in amah in a kihtak huai a ging pha tawh amaute khinkhia hi.

Late 88:7

Nangma hehna keima tungah gik mahmah a, na tuihualte khempeuh tawh kei nong vukcip hi.

Thu-hilhkikna 9:19

Bang hang hiam cih leh note tungah Topa’ hehna leh a lungkim het lohna, note susia dingin a kithawina hangin ka lau hi. Ahih hangin tua hunin zong Topa in kei’ thu hong ngai hi.