Late 36:1 - Tedim Bible

¹ Thu palsatna in migilopa’ lungsim tawngah thu gen a, ama mai-ah Pasian zahtakna om lo hi.

Tedim Bible Revision 2017

¹ Mawhna in migilo paʼ lungsim tawng ah thu gen a, amah in Pasian zahtakna nei het lo hi.

Late 36:1 Referans Kwoze

ROM (Romans) 3:18

Pasian kihtakna thu Amau mittang mai uh ah a om kei hi,” ci-in a kigelh hi.

Paunak 16:6

Thumanna leh cihtakna in mawhmai ngahna hi a, Topa zahtakna in siatna tawh kipelhna hi.

Late 18:1

Ka thahatna ahi Topa aw, nang kong it hi.

Mangmuhna 1:1

A sawt loin a piang ding nate ama silate tungah lah dingin Pasian in a piaksa Zeisu Khazih’ mangmuhna lai ahi hi. Tua Topa in ama vantungmi khat sawl a, ama silapa Johan kiangah hilh hi.

Juda 1:1

Zeisu Khazih’ sila leh Jeim’ sanggampa keimah Juda in, Pa Pasian hangin itna ngahin, Zeisu Khazih adingin kikemin, sapna a ngah mite kiangah ka hong zasak hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.

Titu 1:1

Zuauthu a gen thei lo Pasian in tanglai hun a tun’ ma-in thuciam a, eite Honpa Pasian’ thukham bangin kei hong piak thuhilhna tawh a kilawm hunte-ah, Pasian thu a latsakna tawh a kipawl, nuntak tawntungna lamenin, Pasian biakna lamah nopsakna tawh a kipawl thuman thutak theih nading ahi zongin, Pasian’ teel mite’ up nading ahi zongin, Pasian’ sila ahi Zeisu Khazih’ sawltak keimah Paul in:

2 TIMOTI NIHNA 2:24

Pasian’ sila in a kitawng thei kei hi, mi khempeuhte thu dam takin ahih thei mi, thu a hilh thei mi, a thuak zo mi ahi ding hi.

Thuhilh-sia 12:13

Hih thute khempeuh banah, gen ding thu khat bek om hi. Mihing hong kipian’sakna, a thu bulpipen in: Pasian zahtakna, leh a thupiaknate man’na ahi hi.

Paunak 20:11

Naupangte nangawn mi citak mihoih ahihna, a gamtatna panun kimukhia thei hi.

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

Late 143:12

Kei pen nangma nasem ka hih manin na itna kip tawh kituakin ka galte khenkhia in la, ka langte khempeuh susia in.

Late 112:1

Topa phat un. Topa zahtak-in ama thupiaknate nuam a sa mahmah mi in thupha ngahpa ahi hi!

Late 90:1

Topa aw, nangmah in khang tawntunga kote omna mun na hi hi.

Thu-hilhkikna 34:5

Tua ahih ciangin Topa thugenna bangin Topa’ nasem Moses pen Moab gamah si a,

Jeim 1:1

Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

Piancilna 20:11

Abraham in, “Hih lai munah Pasian zahtakna om het lo hi, ka zi’ hangin amaute in kei hong that ding hi, ci-in ngaihsun kha ka hih manin hih bangin ka gamta hi.

1 SAMUEL MASA 18:22

Saul in a nasemte thupia a, “David kiangah thu tuam genpih un la, ‘En in, nang tungah kumpipa lungkim a, ama nasemte khempeuh in nang hong it hi; tua ahih ciangin tu-in kumpipa’ makpa suak in,’ ci un,” a ci hi.