Late 34:8 - Tedim Bible

⁸ Topa’ hoihna sin un la, hoih hi, ci-in thei un! Amah a bel mi in lungdam hi.

Tedim Bible Revision 2017

⁸ Topa tawh kikhawl phot unla, ama hoihna thei un! Amah a beel mite mi lungdam ahi uh hi.

Late 34:8 Referans Kwoze

Late 119:103

Nangma thute khum mahmah a, khuaizu sangin ka kam-ah khumzaw hi.

Jeremiah 31:14

Siampite an limpen tawh ka vaak ding a, ka mite khempeuh in ka hoihna hangin a lungkim ding uh hi, Topa in ka ci hi.”

Late 63:5

Ka lupna tungah nangmah hong ngaihsun-in, zan-in nangmah kong lungngaih ciangin, guhngek leh sathau ne bangin ka lung tai a, lungdamna tawh nangmah phatna la ka sa ding hi.

Late 84:12

Mi honte Topa aw, nangmah hong muang mi in thupha ngah mi ahi hi!

Zekhariah 9:17

Tua thu bangzah takin hoihin nuam ding ahi hiam! Anlim nekna in tangvalte thahatsak ding a, leenggahtui thak dawnna in nungakte thadimsak ding hi.

Late 36:7

Pasian aw, na itna kip bangzahta in manpha! Mihing tate na kha lim-ah bu uh hi.

Late 36:10

Nang hong theite tungah na itna kip hong zom in la, lungsim thutangte tungah na hotkhiatna hong zom in!

Solomon la 5:1

It luat, ka lawmnu aw, ka huan sung hong tung zo ing, Ka paknamtuite ka kaikhawm hi. Ka khuaizu leh ka khuailuzu ka ne a, ka leenggahzu leh ka bawngnawite ka dawn hi. Nungak dangte: Nungak leh tangval aw, na lungkim piikpeek dongun, ne-in dawnin nuam sa un. Kikhen Man-a Lunggimna Nungak:

Solomon la 2:3

Ka ngaihno, tangval dang tawh teh lehang, gamlak singkung lak-a apple kung tawh kibang hi. Ama liim-ah ka tu nuam a, a gahte lim ka sa hi.

Late 52:1

Mi thahatpa aw, bang hangin miphate suksiatna-ah kiphasak na hi hiam? Sunthapai-in nang in suksiatna na ngaihsun hi.

Piancilna 48:16

siatna khempeuh panin kei hong tankhia vantungmi in hih tangvalte thupha pia in; amaute' sungah keima' min leh ka pa Abraham leh Isaak’ min kizomsak in; leitung laizang ah amaute mi honpi khatin khangsak in,” ci hi.

Daniel 3:28

Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.