Late 34:4 - Tedim Bible

⁴ Keimah in Topa ka zong a, amah in kei hong dawngin, ka launa khempeuh panin hong honkhia hi.

Tedim Bible Revision 2017

⁴ Keimah in Topa ka zong a, amah in kei hong dawngin, ka launa khempeuh panin kei hong hon khia hi.

Late 34:4 Referans Kwoze

Late 18:6

Ka gimna-ah Topa ka sam a, ka Pasian’ tungah huhna ngenin ka kiko hi. Amah in a biakinn panin ka aw hong za a, amah ka kohna aw in a bilte va ban hi.

Mattiu 7:7

“Ngen un. Na nget uh leh, hong pia ding hi. Zong un. Na zon’ uh leh, na mu ding uh hi. Kongkhak na kiu un. Na kiuh uh leh, hong hon’ ding hi.

Late 56:3

Kei ka lau ciangin nangmah ka hong muang hi.

2 TIMOTI NIHNA 1:7

Bang hang hiam cih leh, Pasian in eite launa lungsim hong pia ahi kei hi; vangliatna, itna leh ei-le-ei ki-uk zawhna Kha hong pia zo hi.

Jonah 2:2

“Ka cihmawhna panin Topa ka sam a, amah in hong dawng hi; Sihna gam Sheol panin ka kiko-a, nangmah in ka aw nong za hi.

Isaiah 12:2

“En in, Pasian in keima kihotkhiatna ahi hi; amah ka muang ding a, ka lau kei ding hi; bang hang hiam cih leh Topa Pasian in thahatna leh vangliatna hong pia a, amah in keimah hong honkhiapa ahi hi,” a cih hun uh hong tung ding hi.

Late 31:22

Lauthawngna tawh, “Nangma muhna panin gamlapi-ah kei hong kinot khia hi,” ka ci khin hi. Ahih hangin nang tungah huhna kong nget ciangin ka thuumnate nang nong za hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Luka 11:9

“Khatvei ka cih-inah, ngen un. Na nget uh leh, hong pia ding hi. Zong un, Na zon’ uh leh, na mu ding uh hi. Kongkhak kiu un. Na kiuh uh leh, hong kihon’ ding hi.

Late 22:24

Bang hang hiam cih leh amah in a thuak mi’ gimna simmawh lo, kih bawl lo hi; ama kiang panin a mai seel lo a, ama tungah a koh ciangin, amah in za hi.

Late 46:2

Tua ahih ciangin, leitung kikhin-in, mualte tuipi sung a kiden’na zongin, a tuite ging zuazua-in phuan zuazua a, hih gin’na hangin mual liante a liing zongin, i lau kei ding hi.

2 KHANG TANGTHU NIHNATE 15:2

tua ciangin Asa dawntuah dingin amah pai-in ama kiangah, “Ka thu ngai un, Asa leh Judah mite leh Benjaminte aw: Note in amah tawh na om lai teng uh Topa in note tawh om hi. Amah na zon’ uh leh amah na mu ding uh a, ahih hangin amah na nusiat uh leh amah in note hong nusia ding hi.

1 SAMUEL MASA 27:1

David in a lungsim sungah, “Saul’ khut tawh ni khat ni ciangin ka si ding hi; kei adingin Filistiate gamah ka tai ding sangin a hoihzaw om lo hi; tua ciangin Saul in Israel gamgi huam sungah kei hong zon’ niloh lungkia ta ding a, keimah in ama khut sung panin ka suakta ding hi,” a ci hi.

Late 35:27

Kei’ thutan’na lah khiat ding a deihte lungdamin, awng-in, kipaksak in la, a tawntungin, “A nasempa’ hoihna-ah a lungkim Topa lian hi,” cici sak in.

Late 40:17

Kei ahih leh zawng-in ka cimawh hi; ahih hangin Topa in kei’ ading ngaihsun hi. Nangmah in keimah hong huhpa leh keimah honkhiapa na hi hi; zekai kei in, ka Pasian aw!