Late 34:10 - Tedim Bible

¹⁰ Humpinelkai khang laite in kisapna leh gilkialna thuak hi; ahih hangin Topa a zongte in na hoih a kisap uh om lo hi.

Tedim Bible Revision 2017

¹⁰ Humpinelkai khanglaite in kisapna le gilkialna thuak a, ahih hangin Topa a zongte in na hoih a kisap uh om lo hi.

Late 34:10 Referans Kwoze

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Mattiu 6:32

Gentailte in tua nate khempeuh hangah a lungmang uh hi. Tua na khempeuh na sap uh vantungah a om na Pa un a thei hi.

Late 104:21

Humpinelkai khanglaite in amau sa ngah nadingin hawk uh a, amau an ding Pasian’ tung pan ngah uh hi.

Late 23:1

Topa in tuu cin’ bang-a kei hong cingpa hi a, bangmah ka kisam kei ding hi.

Late 112:3

Hauhna leh nopsaknate ama inn sungah dim ding a, ama thumanna kip tawntung ding hi.

Paunak 10:3

Topa in mihoihte a gil kialin koih lo a, migilote a duh uh ne sak lo hi.

Paunak 19:23

Topa a zahtakte in nuntakna nei-in, lungkim takin nuamsa-in om uh a, siatna bangmah tuak kha lo uh hi.

Paunak 22:4

Kiniamkhiat-a, Topa zahtakna thaman in, hauhna, minthan’na, leh khan’sauna ahi hi.