Late 32:8 - Tedim Bible

⁸ Na paina ding lampi lakin kong hilh ding a, ka mit tawh hong enin thu kong hilh ding hi.

Tedim Bible Revision 2017

⁸ Na pai nading lampi lakin kong hilh dinga, ka mit tawh hong enin thu kong hilh ding hi.

Late 32:8 Referans Kwoze

Late 33:18

Amah a zahtakte, a itnakip sungah lametna a neite, sihna panin honkhia-in, kialpi hun sungin amaute a hin’ kep theih nadingin Topa’ mit amaute tungah om tawntung hi.

Mattiu 11:29

Keima hakkol na kisuan un la, kei kiangah kisin ta un. Bang hang hiam na cih uh leh, keimah in lungsim niam mi ka hi hi. Note in lungsim noptuamna zong na ngah ding uh hi.

Isaiah 49:10

Amaute gil kial lo, dangtak lo ding uh a, huihsa in hita leh nisa in hita leh amaute sukha lo ding hi, bang hang hiam cih leh amaute a hehpihpa in amaute lamkaih ding a, lui tui kiangah amaute paipih ding hi.

Paunak 3:1

Ka ta aw, kong thuhilhte mangngilh kei in la, kong thugente phawk tawntung in.

Late 34:11

Tate aw, hong pai un la, hong ngai un. Topa zahtakna kong hilh ding hi.

Piancilna 24:48

Tua ciangin ka lu kunin Topa ka bia a, a tapa’ adingin ka topa’ behpa’ tanu la dingin lampi man-ah kei a hong paipih, ka topa Abraham’ Pasian, Topa ka phat hi.

Gamlak-vakna 9:22

Ni nih ahi a, kha khat ahi a, a hun sau zaw ahi zongin biakbuk tung san-ah meii a khawl lai teng Israel mite giahphual ah om-in ding khia lo ding uh hi; ahih hangin a kilak toh ciangin amaute ding khia uh hi.

2 SAMUEL NIHNA 22:33

Hih Pasian in a muanhuai keima belh hi a, ka lampi lungmuanhuai sak hi.

1 KUMPI MASATE 8:36

vantung pan za-in na mi Israel, na nasemte’ khialhna maisak in la, amaute’ zuih ding lampi hoih hilh in; tua ciangin na mite tungah gamh-in na piaksa leitang tungah guah zusak in.

Late 25:12

Topa a zahtak mi kua ahi hiam? A lampi zuih ding Pasian’ hilhna a ngah mipa ahi hi.

Late 143:8

Nangmah hong muang ka hih manin na itna kip zingsangin kei hong zasak in. Nangma tungah thu hong ngen ka hih manin, ka pai nading lampi hong hilh in.

Isaiah 48:17

Israelte’ Siangtho Pa, nangmah hong Tan, Topa in: Keimah in, phattuamna na ngah nading a, a hong hilh, na zuih ding a, kilawm lampi-ah a hong paipih Topa na Pasian ka hi hi.