Late 32:7 - Tedim Bible

⁷ Nangmah in keima adingin bukna mun na hi a, haksatna panin kei hong kemin, hotkhiatna tawh nong tuam hi.

Tedim Bible Revision 2017

⁷ Nang pen kei adingin ka bukna mun na hi a, haksatna pan kei hong kemin hotkhiatna kicing nong pia hi.

Late 32:7 Referans Kwoze

Late 91:1

Sang Penpa’ liahna sungah a om mi, Vanglianpa’ liim sungah a om mi in,

Late 119:114

Nangmah in keima bukna mun leh ka lum na hi hi; nangma thuciamna ka muang hi.

Late 27:5

Bang hang hiam cih leh haksat hun ciangin a buk sungah kei hong seel ding hi; a puanbuk khuhna nuai-ah kei hong seel ding-a, a san’na suang tungah hong koih ding hi.

Late 9:9

Topa in, nen’niamna a thuakte’ adingin munkip hi a, haksat hun ciangin mun muan’huai ahi hi.

Late 31:20

Mite’ sawmsimna panin na omna huam sungah amaute na seel a, kitotna panin amaute na buk sungah muanhuai-in na kem hi.

Late 143:9

Topa aw, ka langte’ kiang panin kei hong honkhia in! Nangmah beel dingin kong tai hi!

Late 98:1

Amah in nalamdangte bawl khin ahih manin Topa tungah la thak khat sa un! Ama khut taklam leh ama khut siangthote in amah gualzosak hi.

Late 40:3

Eima Pasian phatna la thak keima sungah hong koih hi. Mi tampi in mu-in zahtak ding a, amaute in Topa muang ding uh hi.

Mangmuhna 7:10

Tua mite in: “Tokhom tungah a tu eite Pasian leh Tuuno tungah, Gupna thu a piang hi,” ci-in nakpi-in a kiko uh hi.

2 SAMUEL NIHNA 22:1

Tua ciangin Topa in ama galte khempeuh’ khut sung, leh Saul’ khut sung panin amah a hotkhiat ni-in David in hih la kammalte Topa tungah gen hi.

Late 32:10

Migilote in gimna tampi thuak uh a, Topa a muangte ahih leh itna kip in tuamcip hi.

Kolose 3:3

Bang hang hiam na cih uh leh, note in na si zo uh a, note nuntakna in Khazih tawh Pasian sungah kiseel khawmin a om uh hi.

Late 5:12

Topa aw, thuman mi thupha na pia hi; lum tawh dal bangin deihsakna tawh na dal hi.

Jeremiah 36:26

Tua ciangin kumpipa in kumpipa’ tapa Jerahme-el tawh, Azriel’ tapa Seraiah tapa, Abde-el’ tapa Shelemiah tawh a sawl a, kumpi thuvanpipa Baruk leh kamsangpa Jeremiah man dingin thu a pia hi. Ahih hangin Topa in amau tegel a seel sim hi.

Late 18:5

Leinuai sihna khaute in hong kancip a, sihna thangte in kei hong dawntuah hi.

Thukhente 5:1

Tua ciangin Deborah leh Abinoam’ tapa Barak in tua ni-in la sa uh hi: