Late 32:3 - Tedim Bible

³ Ka mawhna ka pulak loh ciangin, sunthapai-a ka tautauna hangin ka pumpi a tha neem hi.

Tedim Bible Revision 2017

³ Ka mawhna ka pulak loh ciangin, sunthapai ka tautauna hangin ka pumpi a thaneem hi.

Late 32:3 Referans Kwoze

Late 38:8

Ka tha bei khinin hong kinengcip hi; ka lungsim buaina hangin ka tau hi.

Late 38:3

Nangma hehna hangin ka ci na a, ka mawhna hangin ka pumtangin ka na hi.

Kah la 3:8

Hong huh un ci-a ka kiko hangin ka kikona aw a pua lamah a kiza zo kei hi.

Late 22:1

Ka Pasian, ka Pasian aw, bang hangin kei hong nusia na hi hiam? Keimah nong huh nading kong thumna panin bang hangin gamla om na hi hiam?

Hosea 7:14

Amaute in lungsim takpi tawh kei tungah huhna hong ngen lo uh a, a lupna tung panun phunphun bek uh hi. An leh leenggahzu hong ngen loin milimte a bia uh hi. Amaute in kei hong lehdo uh hi.

Paunak 28:13

A khialhna a im mipa a dau pai lo ding a, a mawhna pulakin a kikheel mipa in hehpihna ngah ding hi.

JOB (Job) 30:30

Ka vun vomin dulh khia a, ka pumtangin ka ci sa gawp hi.

Late 51:8

Lungdamna leh kipahna hong pia in la, na sukgawpsa mipa lungdamsak in.

Kah la 3:4

Amah in a liam a bai guh kitan sa-in a hong nusia hi.

Kah la 1:3

Judahmite, a huh ding nei lo silate bangin a inn panun a kihawl khia hi. Amaute gamdang ah teeng uh a, amau gam ding a om kei hi. Galte in umcih uh a, a suahtak theih na’ng uh lampi a om kei hi.

Isaiah 59:11

Eite khempeuh vom bangin i humham a, vakhu bangin i thuumthuum hi; eite in thutang i zong a, ahih hangin khat zong i mu kei hi; hong hotkhiat ding i ngen a, ahih hangin bangmah hong piang lo hi.

Isaiah 51:20

Na mite gim khin a, ngenthang sunga sanang a awk bangin lamlian kiu khempeuh ah amaute lum uh hi; Topa’ hehna, na Pasian’ taiina amaute in thuak uh hi.

Late 6:2

Topa aw, thanem ka hih manin kei tungah dikna hong zang in; Topa aw, ka guh ka tang na ahih manin hong dam sak in.

JOB (Job) 30:17

Zan thapai-in ka guh sung ka taang sung khempeuh na a, hong pet tawntung natna pen dai ngei lo hi.

JOB (Job) 3:24

Bang hang hiam cih leh khuisatna in ka annek suak a, ka tauna in luipi ging bang ahi hi.

2 SAMUEL NIHNA 11:27

A kahna a ven’ ciangin David in mi sawlin ama inn-ah tua nu la sak a, tua nu in ama zi suak in, amah tawh tapa khat nei hi. Ahih hangin David gamtatna tua thu in Topa lungkim lo sak hi.

Isaiah 57:17

Amau’ huaiham-mawhna hangin ka heh a, ka heh lungsim tawh amaute daan pia-in ka mai ka sel hi. Ahih hangin amaute a lungsim khauhin, a gamtat ngei bangun gamta veve uh hi.

1 SAMUEL MASA 31:13

Amaute in a guhte la-in Jabesh khua sunga makeng kung nuai-ah vui uh a, ni sagih sung an tang uh hi.

Paunak 17:22

Mai taii-na in ci damsak a, mai gum tawntungna in guhtui teep kang hi.